Համբարձման տոնը Հայոց եկեղեցու շարժական տոներից է: Երկրից երկինք Հիսուսի փոխադրվելը հոգևոր գրականության մեջ անվանվում է «Հրաշափառ համբարձման տոն»:
Տոնը հայեցի դաստիարակության հրաշալի միջոց է, որը Նորակերտի միջնակարգ դպրոցում վերածվում է շքեղ տոնակատարության, իր մեջ ամփոփելով հայկական գեղեցիկ սովորույթներ, կենցաղային ավանդույթներ: Տոնակատարությանը աշակերտները մեծ ոգևորությամբ էին նախապատրաստվել:
Դպրոցն ամբողջությամբ զարդարված էր Համբարձման տոնի խորհրդանշան համարվող դաշտային ծաղիկների փնջերով:
2-րդ, 3-րդ և 6-րդ դասարանի մի խումբ աշակերտներ, զուգված ազգային և տոնածիսական հագուստներով, ծաղկահյուսերով, հանդիսատեսին ներկայացրեցին Համբարձման տոնի գլխավոր արարողությանը` վիճակին նվիված գեղեցիկ բեմական ներկայացում:
Տոնի ավարտաին դպրոցի բակը վերածվեց ժողովրդական երգ ու պարի, խաղերի և մրցույթների մեծ բեմահարթակի: Հատկապես աչքի ընկան դպրոցի «Զատիկներ» պարային համույթի սաները` Համբարձմանը նվիրված գեղեցիկ ազգային պարերով` վեր-վերիներով:
Այս տրամադրող և գարնանային ծաղիկների բույրով լցված տոնակատարությունը մեկ անգամ ևս ամրապնդեց կապը հարություն առնող ու համբարձվող Հիսուսի, բնության զարթոնքի, վերածնության գաղափարի հետ: