Արմավիրի մարզի Նորակերտի միջնակարգ դպրոցում շարունակվում են տոնական միջոցառումները` նվիրված հայոց բանակի 23-րդ տարեդարձին: Օրերս 3-րդ դասարանցիները` դասվար Ն. Վարդանյանի գլխավորությամբ նշում էին հայոց բանակի և Սուրբ Վարդանանց տոնը: Նրանք համառուտ ներկայացրեցին հայոց բանակի անցած ուղին, ուրախ երգերով և բանաստեղծություններով փառաբանեցին հայ զինվորին:
Հայոց բանակի համազգեստ հագած փոքրիկ զինվորները երդվեցին, որ ապագայում, երբ գնան հերթափոխի, բարձր կպահեն հայ զինվորի ու սպայի պատիվը: Նրանք իրենց երախտագիտությունը հայտնեցին հայրենիքի սահմանները անխախտ պահող զինվորներին` իրենց խաղաղ կյանքի և կապույտ երկնակամարի համար:
Փոքրիկները գլուխ խոնարհեցին և անուն առ անուն հիշեցին հայրենիքի պաշպանության գործում մատուցած բացառիկ ծառայությունների համար Հայաստանի Հանրապետության ազգային հերոս և Արցախի ազգային հերոս բարձրագույն կոչմանն արժանացած դյուցազուն հայորդիներին: