Սիրելի Ձմեռ Պապ, իմ մանկության երազ, այսքան տարի երբևե քեզ նամակ չեմ գրել, ինչպես սովորաբար ամանորից առաջ անում են բոլոր մանուկները, կուրորեն հավատալով, որ դու կատարելու ես նրանց նվիրական ցանկությունը. և առավոտյան արթնանալուն պես եղևնու տակ գտնելու են այդքան սպասված նվերը:
Եվ ահա այսօր գրում եմ քեզ, որպես մի փոքրիկ մանուկ, որ ապրում է յուրաքանչյուրիս մեջ և ուրախ եմ, որ իմ մեջ նույնպես դեռ չի կորել այդ փոքրիկ երեխան, չէ որ նա միշտ օգնում է կյանքը տեսնել ավելի վառ գույներով, ավելի պայծառ եվ գեղեցիկ:
Գիտեմ վաղուց արդեն երեխա չեմ, մեծացել եմ, բայց դեռ հավատում եմ ամանորյա հրաշքներին և գուցե ավելին քան շատերը, ավելին քան կուզեի, չէ որ այդպիսի մի ամանորյա հրաշք արդեն գտել եմ իմ կյանքում:
Այսօր այս նամակով պարզապես ցանկանում եմ շնորհակալություն ասել քեզ այն հեքիաթի համար, որ արդեն գտել եմ իմ կյանքում: Այս տարի խնդրում եմ միայն, որ անվերադարձ ինձ մոտ թողնես այդ գունավոր հեքիաթը :
Շնորհակալ եմ, որ կաս մեր բոլորի կյանքում և ամեն տարի նվիրում ես մեզ այդ հեքիաթային ամանորյա գիշերը: Հենց այդ օրը մենք բոլորս թեկուզ և մեկ օրով, բայց վերադարձնում ենք մեր մանկությունը:
Ձմեռ Պապ, գիտեմ, որ միշտ դու ես շնորհավորում մեր Ամանորը, բայց թույլ տուր ես ել քեզ ասեմ.
Շնորհավոր Նոր Տարի և Սուրբ Ծնունդ!
