Նվեր տալը գեղեցիկ սովորություն է, որն արմատավորված է համայն մարդկության մեջ` անկախ ազգությունից և սոցիալական խավից: Հիանալի է, երբ մարդ փորձում է ինչ-որ մեկին ուրախացնել փոքրիկ նվերով, կամ ուշադրությամբ:Այդ կերպ` փորձելով ցույց տալ իր սերը մյուսի հանդեպ:
Իհարկե, հետաքրքիր է, երբ մարդը տիրապետում է նվեր տալու արվեստին, բայց եկեք չանտեսենք այն հարցը` «ինչպե°ս, կամ ինչո°ւ է տալիս»:Տալիս է, որովհետև այդպես է կարգը, թ°ե ցանկանում է ուրախացնել դիմացինին:
Կարծում եմ կհամաձայնեք, որ կան ոչ նյութական նվերներ, որոնք նույնպես պետք է նվիրել մարդկանց:
Նվեր և նվիրվածություն... Առաջին հայացքից ոչ մի կապող օղակ չկա այս երկու բառերի միջև, բայց գերադասելի է նվիրել նվիրվածություն, քան թանկարժեք նվեր:
Նվերն առանց նվիրվածության նման է տալ գեղեցիկ փաթեթավորված նվերի տուփ` ներսը դատարկ:
Այնպես որ առաջին հերթին նվիրենք նվիրվածություն...