Այսօր Ձեր մատները, տիկի՛ն,
Նման են հեռու մի հուշի.
Մաղում են կապույտ մի փոշի,
Այսօր Ձեր մատները, տիկին:
Հին բույրն եմ զգում ես կրկին,
Հին բույրը անցած, ուրիշի, -
Այսօր Ձեր մատները, տիկի՛ն,
Նման են հեռու՜ մի հուշի...
--------------------------
Շրշում են իմ շուրջը, շրշում.
Շորեր ու շորեր կանացի.
Անցնում եմ մայթով փողոցի-
Շրշում են իմ շուրջը, շրշում,
Լսում եմ գարնան մի շրշյուն,
Կարծես թե անտառ գնացի...
Իսկ շուրջս շրջում են, շրշում
Շորեր ու շորեր կանացի........
Ե. Չարենց