ՎՊՄԻ Կենսաբանաքիմիական ֆակուլտետի այս երկու տղաները`
Արշալույս Դավթյանն ու
Նարեկ Կուրղինյանը, բանակում նունպես բարձր են պահում ՎՊՄԻ-ի անունը:
Արդեն 6 ամիս է, որ ՎՊՄԻ կենսաբանաքիմիական ֆակուլտետի կենսաբանություն մասնագիտության շրջանավարտ, 2012-13 ուստարվա
«Լավագույն ուսանող» և «Լավագույն ուսանող» հանրապետական մրցանակաբաշխության դափնեկիր
Արշալույս Դավթյանը ծառայում է Երևանի Նորաշեն համայնքի զորամասերից մեկում: Այս կարճ ժամանակահատվածում շարքային Դավթյանը բարեխիղճ ծառայության համար ստացել է կրտսեր սերժանտի զինվորական կոչում: Ծառայության 4-րդ ամսում նշանակվել է կառավարման ջոկի հրամանատարի պաշտոնում: 2013թ.-ի նոյեմբերին Ա. Դավթյանը ճանաչվել է դիվիզիոնի
«Լավագույն զինծառայող» :
Նույն ֆակուլտետի բնապահպանություն և բնօգտագործում մասնագիտության շրջանավարտ
Նարեկ Կուրղինյանը, ով մշտապես պարգևատրվել է պատվոգրերով և շնորհակալագրերով դեկանի և ռեկտորի կողմից հասարակական ակտիվություն ցուցաբերելու համար, հիմա ծառայում է «Արարատ զոդ.» զորամասում և նույնպես ստացել է կրտսեր սերժանտի զինվորական կոչում:
ՎՊՄԻ-ի աշխատակիցների և ուսանողների անունից սրտանց շնորհավորում ենք տղաների ծնողներին`
Անուշավան Դավթյանին և Հայկուշ Հակոբյանին, Արա Կուրղինյանին և Նարինե Վերանյանին` հայրենիքի համար արժանի զավակ դաստիարակելու կապակցությամբ ու իրենց զավակների հաջողությունների համար հայտնում խորին հարգանք:
Մեր շատ սիրելի Արշալույսին և Նարեկին մաղթում ենք բարի ծառայություն և բոլոր զինծառայողներին` անփորձանք վերադարձ իրենց հարազատ օջախներ:
Թող հայոց բանակը ունենա միայն այնպիսի զինվորներ, ինչպիսին դուք եք...