Խնդրում ենք սպասել...
Այսօր`  երեքշաբթի, 29 նոյեմբերի, 2022 թ.

Հոդվածներ

«ԲԱՐԴԵՐՆ» ԸՆԴԴԵՄ ԲԱՐԴ ՀԻՎԱՆԴՈՒԹՅՈՒՆՆԵՐԻ

ՕԳՆԵՆՔ ՀԱՅ ՄԱՆՈՒԿՆԵՐԻՆ
Մամուլի խոսնակ`
ՕԳՆԵՆՔ ՀԱՅ ՄԱՆՈՒԿՆԵՐԻՆ
01:30, չորեքշաբթի, 11 դեկտեմբերի, 2013 թ.


    


    


    


    


    


    

«Օգնենք հայ մանուկներին» բարեգործական հասարակական կազմակերպությունը Երևանի Հովհաննես Թումանյանի անվան պետական տիկնիկային թատրոնի աջակցությամբ կազմակերպում է բարեգործական համերգ՝ «Բարդ» ակումբի երգիչների մասնակցությամբ:

Համերգին մասնակցելու են հեղինակային երգարվեստի լավագույն ներկայացուցիչները` ինչպիսիք են` Վախթանգ Հարությունյանը, Արմինե Հայրապետյանը, Դավիթ Ամալյանը, Գագիկ Շիբոյանը, Սարգիս Շիբոյանը, Կարեն Մամիկոնյան, Էդուարդ Զորիկյանը, Վահե Քոչարը, Ռուբեն Քամալյանը, Վարդան Գալստյանը և այլք:


    

Համերգից ստացված ողջ հասույթը փոխանցվելու է Ղշյան Սերյոժայի համար բացված հաշվեհամարին:


     Սերյոժան 8 տարեկան է: Երեխայի մոտ 2012թ.-ի սեպտեմբերին ախտորոշվել է հիպոֆիզի ցողունի կիստոզ կրանիոֆարինգիոմա: 2013թ.-ի փետրվարի 7-ին նրան վիրահատել են Բիֆռոնտալ-քունքային շրջանում ոսկրապլաստիկ տրեպանացիա ուռուցքի ռեզեկցիայով: Վիրահատությունից 4 ամիս հետո կրկին վիրահատել են վիճակի վատթարացման պատճառով` Ռիկհեմի ռեզերվուարի իմպլանտացիա:
     Երեխան կարիք ունի ևս մեկ վիրահատության, որը ՀՀ պայմաններում հնարավոր չէ իրականացնել: Նման բուժում իրականացվում է միայն Գերմանիայում և Սանկտ Պետերբուրգում: Սերյոժայի ծնողներն արդեն փաստաթղթերը ուղարկել են Սանկտ Պետերբուրգ՝ Բեխտերևի անվան «մարդու ուղեղի» ինստիտուտ, որտեղից հայազգի պրոֆեսոր Խաչատրյանը պատրաստակամություն է հայտնել իրականացնելու վիրահատությունը:


    

« «Բարդերն» ընդդեմ բարդ հիվանդությունների» խորագրով հեղինակային երգի համերգը կկայանա դեկտեմբերի 11-ին՝ ժամը 19: 00-ին, Երևանի Հովհաննես Թումանյանի անվան պետական տիկնիկային թատրոնի դահլիճում:


     Տոմսերի արժեքններն են` 1000, 2000, 3000, և 4000 դրամ: Մանրամասների համար կարող եք զանգահարել հետևյալ հեռախոսահամարներով` (055) 502544/ (077) 077533:

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
1
Չհավանել
0
| | |
3478 | 0 | 0
Facebook