Առաջնորդվելով հետևյալ խորագրով` «ԷԽՈ» հասարակական կազմակերպությունը հրապարակեց իր
www.irazekum.org իրազեկման բլոգը, որի առաջնային նպատակն է հասարակության իրազեկումը հաշմանդամ անձանց առկա խնդիրների և իրավունքների մասին: Հուսով ենք, որ մեր թիմը հնարավորություն կտա փոխադարձ կապի միջոցով վերհանել հաշմանդամ անձանց հուզող խնդիրները և փորձել միասնական ուժերով գտնել դրանց լուծման առավել արդյունավետ ճանապարհները: Եթե ունեք հարցեր, որոնց պատասխանը դեռ չեք գտել, գրեք մեզ: Մենք կարևորում ենք ձեզնից յուրաքանչյուրի մեկնաբանությունն ու առաջարկը բոլոր այն հարցերի շուրջ, որոնք, ըստ ձեզ, պետք է լինեն մեր ուշադրության կենտրոնում:
Հ.Գ. Հիշեք՛, այն միջավայրը, որը հարմարավետ է հաշմանդամ անձանց, հարմար է բոլորին:
