Հոդվածներ

Մեծարգո պարոն Նախագահ,
     Այսօր ողջ հայությունը ալեկոծված է փայլուն ֆուտբոլիստ Հենրիկ Մխիթարյանի ճակատագրով:
     Միայն Դուք` ՀՀ Նախագահը կարող է ազդել ՀՖՖ նախագահ Ռուբեն Հայրապետյանի և հայազգի գործարար Օլեգ Մկրտչյանի վրա, որպեսզի վերջապես լուծվի Հենրիկ Մխիթարյանի տեղափոխման հարցը եվրոպական բարձրակարգ ֆուտբոլային ակումբ:
     Հանրությունը կարծում է, որ մարզիկը դարձել է քրեաօլիգարխիկ համակարգի զոհ: Հասկանալի պատճառներով Հենրիկ Մխիթարյանը` մեր բոլորի սիրելի Հենոն, չի կարողանում տեղափոխվել եվրոպական ամենահայտնի և ճանաչված ակումբներից մեկը` Լիվերպուլ, ու նրա ապագան վտանգված է:
     Մի ՞թե արժի զոհ տալ հայրենասեր ֆուտբոլիստին` հանուն բիզնեսային նկրտումների ու Դանայան տակառի պես անհագուրդ ախորժակի: Վերջապես արժանապատվության խնդիր է ու երկրի վարկանիշ:
     Իսկ Հենոն երազում էր հայտնի դառնալ ու այդ ճանապարհով ավելի ճանաչելի դարձնել Հայաստանի ու հայկական ֆուտբոլը ...

Հարգանքներով Սերժ Կանայան` բազմահազար ֆուտբոլասերների անունից ...