1918թ.-ին բազմադարյա ճնշումներից ու հպատակ կարգավիճակից հետո, հայ ժողովուրդը համախմբվեց, պայքարեց ու արյան գնով ձեռք բերեց անկախ պետականություն ՝ Հայաստանի առաջին հանրապետությունը: Թեև հանրապետությունը, որպես այդպիսին գոյատևեց միայն 2 տարի, սակայն ժողովրդի ինքնագիտակցության ու ինքնավարության բարձրացման գործում դա կարևոր ձեռքբերում էր:
Այդ օրը նշվում է, որպես ուրախալի ու ոգեշնչող տոն: Տոնի կապակցությամբ 2013թ.-ի մայիսի 27-ին Զոլաքարի թիվ1 դպրոցում կազմակերպվեց յուրօրինակ դաս -մրցույթ ՝ 9-րդ դասարանի աշակերտների մասնակցությամբ:
Դպրոցն իր առջև խնդիր է դրել այնպես կազմակերպել ռազմահայրենասիրական դաստիարակությունը, որ ունենանք իսկական հայրենասեր սերունդներ:
Վերջերս դպրոցն աչքի ընկավ ուսհաստատությունների միջև անցկացվող գնդակային հրաձգության մրցույթում: Ինչպես նաև ակտիվորեն մասնակցեց մայիսյան տոներին նվիրված միջոցառումների կազմակերպմանը:
Մայիսի 27-ի միջոցառումն ուներ երեխաների մեջ սեփական ուժերի նկատմամբ հավատ ներշնչելու նպատակ:
Նախ՝ աշակերտները պայմանականորեն բաժանվեցին երկու խմբերի՝ «Սևեր» և «Կարմիրներ»: Սկզբում դպրոցի բակում մրցեցին վազք, հեռացատկ, ձգումներ մարզաձևերում: Այնուհետև՝ ՆԶՊ -ի դասարանում մրցեցին «Լավագույն դիպուկահար» կոչման համար:
Ողջ միջոցառման ընթացքում երգվեցին ռազմահայրենասիրական երգեր: Վերջում ընթերցեցին Հայոց Բանակի զինվորական երդումը, երգեցին օրհներգը: