Խնդրում ենք սպասել...

Հոդվածներ

«Ավելի լավ է մեռնեմ, քան այդ շքանշանն ստանալու համար մտնեմ այն նեղ ճեղքը, որտեղ դու մտել ես»

11:16, շաբաթ, 03 փետրվարի, 2024 թ.
«Ավելի լավ է մեռնեմ, քան այդ շքանշանն ստանալու համար մտնեմ այն նեղ ճեղքը, որտեղ դու մտել ես»

Այս երիտասարդ ազնվականը Ֆրանսիայի թագավոր Ֆրանսուա Առաջինի զորահրամանատար Ժան դը Բրոսսեն է՝ Էտամպի հերցոգը: 1533 թվականին նա ստիպված է եղել կնության առնել թագավորի սիրուհուն՝ Անն դը Պեսլյոյին (1508 - 1580) , և այդ ամուսնությունից կարճ ժամանակ անց դարձել է կոմս և Էտամպի հերցոգ: Թագավորը նրան տարբեր ողորմածություններով շնորհակալություն է հայտնել: Նա իր այս հնազանդ զորահրամանատարին պարգևատրել է նաև շատ հազվադեպ շնորհվող ասպետական շքանշանով՝ «Սուրբ Միքայել» -ով, որը 1469 թվականին սահմանվել էր Լյուդովիկոս 11-րդ թագավորի կողմից: Շքանշանը սահմանողը պահանջել էր, որ այն տրվի ընդամենը 36 արժանավորի:

Մի անգամ դը Բրոսսեն, ցանկանալով իրեն երևակայել մեկ այլ ազնվականի՝ դը Շատեներեի առջև, նրան ասել է.

«Դուք, հավանաբար, կուզենայիք ձեր պարանոցին այսպիսի շքանշան կրել»:

«Ավելի լավ է մեռնեմ, քան այդ շքանշանն ստանալու համար մտնեմ այն նեղ ճեղքը, որտեղ դու մտել ես»:

Եվ դը Բրոսսեին այս պատասխանն այնպես է շանթահարել, որ նա ուղղակի պապանձվել է:

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
1103 | 0 | 0
Facebook