Խնդրում ենք սպասել...
Այսօր`  երկուշաբթի, 26 փետրվարի, 2024 թ.

Հոդվածներ

Հետադարձ հայացք քրիստոնեության արմատներին

19:01, հինգշաբթի, 23 նոյեմբերի, 2023 թ.
Հետադարձ հայացք քրիստոնեության արմատներին

Հին կտակարանի գրվելուց գրեթե 2000 տարի առաջ, մ.թ.ա. մոտավորապես 2500 թվականին են գրվել շումերական այն առասպելները, որոնք նույնական են Հին ու Նոր կտակարանները կազմողների որոշ պատճենածներին: Ահավասիկ երկու օրինակ.

- Շումերական տեքստն Ադամի և Եվայի առասպելից շատ առաջ չարի ծագումը մարդկային աշխարհում կապել է առաջին կնոջ հետ, որը, հրահրվելով օձի կողմից, չի հնազանդվել արարիչ աստծուն և համոզել է իր կենակցին ուտել արգելված ծառի պտուղը: Երկրորդ նկարում՝ արգելված պտղի ծառի շուրջ նստած են պտուղը քաղելուն պատրաստ Ադամն ու Եվան: Պատկերված է նաև օձը, միայն թե խնդիրն այն է, որ սրանք ոչ թե հինկտակարանային Ադամն ու Եվան են, այլ նրանց նախատիպերը: Այս ստեղծագործությունը կերտված է մ.թ.ա. 2200 թվականին՝ Հին կտակարանի գրվելուց շատ դարեր առաջ, իսկ հեղինակն աքքադացիներն են: Այն կարելի է տեսնել Լոնդոնի Բրիտանական թանգարանում: Պարզից էլ պարզ է, որ շումերական առասպելից է արտագրված հինկտակարանային պատմությունը:

-Բաբելոն քաղաքի հովանավոր աստծու՝ Մարդուկի կամ Բելի (շումերցիները նրան Էնլիլ են անվանել) մահը տոնանշել են մարտի 15-ից մարտի 20-ի միջակայքում: Նրա չարչարանքը շարադրված է իր Ավետարանում. Մարդուկի թշնամիները նրան բռնում են ու տանում մի լեռան վրա, գլխին դնում են արջամագիլ (ականթուս) բույսից հյուսված պսակ, դատում են, և դատավարությունն ավարվում է նրան մահապատժի դատապարտելով: Նրա թշնամիները, որպեսզի համոզված լինեն, որ նա իսկապես մահացած է, մարմինը խոցում են նիզակով:

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
563 | 0 | 0
Facebook