Լոնդոնում տեղակայված Henley & Partners միջազգային խորհրդատվական ընկերությունը թարմացրել է աշխարհի պետությունների անձնագրերի նոր վարկանիշային ցանկը՝ 2023թ. համար:
Ըստ զեկույցի՝ «ամենազորեղ» անձնագիրը Ճապոնիայինն է, որը թույլ է տալիս առանց վիզային կամ պարզեցված ռեժիմով մեկնել աշխարհի 193 երկիր: Հաջորդում են ևս երկու ասիական երկիր՝ Հարավին Կորեան և Սինգապուրը (192 երկիր), այնուհետև՝ Գերմանիան և Իսպանիան (190 երկիր): Ճանապարհորդելու լայնհնարավորություններ են տալիս նաև Ֆինլանդիայի, Իտալիայի, Լյուքսեմբուրգի (189), Ավստրիայի, Դանիայի, Նիդերլանդների, Շվեդիայի (188), Ֆրանսիայի, Իռլանդիայի, Պորտուգալիայի, Մեծ Բրիտանիայի (186) և այլ երկրների անձնագրեր:
Հայաստանը ցանկի 79-րդ հորիզոնականում է (109-ից)` հնարավորություն ունենալով առանց վիզայի կամ պարզեցված եղանակով վիզայով մուտք գործել միայն 66 երկիր: Ադրբեջանի անձնագիրն ունի 70, Վրաստանինը՝ 116, Ռուսաստանինը՝ 118 երկիր մուտք գործելու հնարավորություն:
Իսկ աշխարհի «ամենաթույլ» անձնագիրն Աֆղանստանինն է՝ 27 երկիր: Բարդ է ճամփորդել նաև Իրաքի, Սիրիայի, Պակիստանի և Եմենի քաղաքացիների համար:
