Խնդրում ենք սպասել...

Հոդվածներ

Ամստերդամի Գրիգոր Նարեկացի կիրակնօրյա դպրոցի ուսումնական տարվա ավարտական հանդեսը

Նիդերլանդական Օրագիր
Մամուլի խոսնակ`
Նիդերլանդական Օրագիր
22:33, երեքշաբթի, 28 հունիսի, 2022 թ.
Ամստերդամի Գրիգոր Նարեկացի կիրակնօրյա դպրոցի ուսումնական տարվա ավարտական հանդեսը

Ամստերդամի Գրիգոր Նարեկացի կիրակնօրյա դպրոցի ուսումնական տարվա ավարտական հանդեսը


    
Ամստերդամի Գրիգոր Նարեկացի կիրակնօրյա դպրոցի կայքը` հետաքրքիր լուսանկարներ ու տեսաերիզներ է տեղադրել անցած կիրակի տեղի ունեցած դպրոցի սաների ուսումնական տարվա ավարտական հանդեսից:

Արդեն 8 տարի անընդմեջ կրթական այս օջախը` մեծ ջանասիրությամբ ու հայկական ոգով սերունդ է դաստիարակում:

Իրենց ուսուցիչների հետ լարված ու քրտնաջան, նախապատրաստական աշխատանքներից հետո, բոլոր խմբերի սաները` ծնողների, ընկերների, ընտանիքի անդամների, Տեր Հայր Տարոնի, «Նարեկացի» հիմնադրամի և Սուրբ Հոգի եկեղեցու խորհրդի անդամների ուշադիր հայացքների ներքո հանդես եկան գեղեցիկ թատերականացված, եզրափակիչ ներկայացմամբ:

Կատարված երգերին, արտահայտիչ ասմունքին, հուզական բանաստեղծություններին ու Արցախին նվիրված հմայիչ պարերին հաջորդում էին լեփ-լեցուն դահլիճի բուռն ու երկարատև ծափահարությունները։


    
    

Այդ օրը երեխաների ու դահլիճում ներկա գտնվողներին հատուկ տեսաուղերձով ողջունեցին Վատիկանից Արևմտյան Եվրոպայի Հայրապետական պատվիրակ և Սուրբ Աթոռում Հայ Առաքելական Սուրբ Եկեղեցու ներկայացուցիչ` Խաժակ արքեպիսկոպոս Պարսամյանը, Հայաստանից երգիչ` Արամոն, դերասան` Լուիզա Ղամբարյանը, լրագրող, հաղորդավար, «Հայ Ասպետ» կրթադաստիարակչական բարեգործական հիմնադրամի հիմնադիր-տնօրեն Կարին Տոնոյանը և այլոք: Միջոցառումը դեռ երկար կմնա մասնակիցների հիշողության մեջ. մնաս բարով` 2021-22 ուսումնական տարի: Նոր` 2022-2023 ուսումնական տարվա մեկնարկը կտրվի սեպտեմբերի 11-ին։ Մինչ նոր ուսումնական տարի:

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
577 | 0 | 0
Facebook