Խնդրում ենք սպասել...
Այսօր`  երկուշաբթի, 06 փետրվարի, 2023 թ.
Օդնոկլասնիկի

Հոդվածներ

Անվերնագիր

10:04, ուրբաթ, 17 հունիսի, 2022 թ.
Անվերնագիր
    
    

Իմ և Տիրոջ միջև

Միջնորդն ավելորդ է՝

Ե՛ս եմ, ի՛մ Տերն է-

Պատժելն ու ներելը…


    

Իմ գաղտնի՜քը

Միայն ե՛ս գիտեմ,

Թե մեկն էլ իմացավ՝

Գաղնիքն ի՞նչ գաղտնիք,

Ուրիշի գործերի մեջ քիթը խոթելը

Վաղո՜ւց, շա՜տ վաղուց

Դարձել է հարգի…


    

Ասում եմ.

- Տե՜ր հայր, քեզ ի՞նչ եմ արել:

Ասում է.

- Ի՞նձ, ոչինչ չե՛ս արել, Տիրո՛ջն ես արել.

Է՜, ե՛ս եմ, իմ Տե՛րն է, Պատժե՜լն ու ներելը -

Անհասկանալի է թե ի՞նչ է ուզում

Միջնորդ տերտերը:


    

Նույնիսկ սիրո մեջ

Միջնո՜րդ է դարձել,

Մեկին հնազա՜նդ,

Մեկին տե՜ր կարգում…

Դե եկ բացատրի՛ր, որ այս աշխարհում

Հնազանդներին ո՛չ ոք չի սիրում…


    

Ա՜յ անհնազանդը -

Փոթորի՛կ է գիժ,

Ցնդած ալի՛ք է ժայռերին բախվող,

Կի՜րք է ու հզո՛ր ճայթող կայծակից,

Որի հարվածից երկար ժամանակ

Ուշքի չես գալիս…


    

Պտուղն արգելված

Չի՛ լինում Դառը,

Քա՜ղցր է, ցանկալի՜ ու հյութեղ այնքա՜ն,

Որ իրեն հարգող տեր-տղամարդը

Ամե՜ն ինչ կանի հասնելու համար:


    

Իսկ հնազանդին կտանի գայլը՝

Որպես ուտելիք ձագերի համար,

… Այդպես է դրված աշխարհի Բանը՝

Կամ կերակուր ես

Կամ ուտող բերան…

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
991 | 0 | 0
Facebook