Խնդրում ենք սպասել...

Հոդվածներ

Արցախի հազարավոր քաղաքացիներ չեն ստացել հասանելիք փոխհատուցումները

12:45, չորեքշաբթի, 15 հունիսի, 2022 թ.
Արցախի հազարավոր քաղաքացիներ չեն ստացել հասանելիք փոխհատուցումները
    
Ստանալով Արցախում իրականացվող սոցիալ-տնտեսական հիմնախնդիրների լուծմանն ուղղված պետական աջակցության միջոցառումների վերաբերյալ բազմաթիվ քաղաքացիների հարցադրումներ, անհրաժեշտ ենք համարում անդրադառնալ դրանցից մեկին։
Այսպես, վստահաբար շատերն են հիշում, որ 2021թ. հուլիսի կեսին մեկնարկել է ԱՀ բնակիչների կողմից ՀՀ տարածքում 2020թ սեպտեմբերի 27-ից մինչեւ դեկտեմբերի 31-ն ընկած ժամանակահատվածում տեսանկարահանող եւ լուսանկարահանող սարքերի միջոցով հայտնաբերված խախտումների գծով առաջացած տուգանքների գումարները փոխհատուցելու միջոցառումը։ ԱՀ կառավարության 2021թ. դեկտեմբերի 14-ի N1356-Ա որոշմամբ հաստատվել է Արցախի Հանրապետության ոստիկանությանը ֆինանսական միջոցներ հատկացնել պետական բյուջեի պահուստային ֆոնդի միջոցներից:
Փոխհատուցում ստանալու նպատակով քաղաքացիների կողմից ԱՀ ճանապարհային ոստիկանության համապատասխան բաժնում լրացվել են դիմումներ 2021 հուլիսի կեսին, այսինքն՝ գրեթե 1 տարի առաջ, սակայն առայժմ Արցախի հազարավոր քաղաքացիներ չեն ստացել հասանելիք փոխհատուցումները։
«ԳԵՆ» նախաձեռնությունների կենտրոնը, ելնելով անհրաժեշտությունից, գրավոր դիմել է ԱՀ ներքին գործերի նախարարությանը՝ այս ֆինանսական միջոցառման իրականացման խոչընդոտների, վերջնաժամկետների, չափազանց դանդաղ ընթացքի պատճառների վերաբերյալ տեղեկատվություն ստանալու նպատակով։

    

    

    

    
Աղբյուրը` Facebook
Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
1297 | 0 | 0
Facebook