Խնդրում ենք սպասել...
Այսօր`  երկուշաբթի, 27 հունիսի, 2022 թ.
Թվիթեր

Հոդվածներ

«…եթե մենք ավելի շատ գինի ունենայինք, էլ ավելի վատ բաներ էինք ասելու»

21:21, շաբաթ, 21 մայիսի, 2022 թ.
«…եթե մենք ավելի շատ գինի ունենայինք, էլ ավելի վատ բաներ էինք ասելու»

Հին Էպիրոսի և Մակեդոնիայի թագավոր ու զորահարամանատար, հզորացող Հռոմի ուժեղագույն հակառակորդ Պյուռոսը (մահացել է մ.թ.ա. 272 թվականին) , որին կարթագենցի հռչակավոր զորավար Հաննիբալը համարել է Ալեքսանդր Մակեդոնացուց հետո երկրորդ մեծագույն զորավարը, խստապահանջության հետ մեկտեղ մեղմություն է դրսևորել իր այն զինվորների ու զինակիցների նկատմամբ, որոնք չարախոսել, հայհոյել են իրեն, մանավանդ, երբ նրանք դա ոչ սթափ վիճակում են արել:

Մի անգամ նրան տեղեկացրել են, թե մի քանի երիտասարդ գինեխմության ընթացքում իր մասին վատ բաներ են ասել, հայհոյել են: Հաջորդ օրվա առավոտյան Պյուռոսը կարգադրել է իր մոտ բերել այդ երիտասարդներին և, դիմելով նրանցից առաջին հարցաքննվողին, հարցրել է, թե ճի՞շտ է արդյոք, որ նա իր մասին վատ բաներ է ասել:

«Ճի՛շտ է, արքա՛, պատասխանել է երիտասարդը, իսկ եթե մենք ավելի շատ գինի ունենայինք, էլ ավելի վատ բաներ էինք ասելու»:

Եվ Պյուռոսը, որը նաև բռնակալի համարում է ունեցել, նրանց չի պատժել:

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
542 | 0 | 0
Facebook