Profil

Երևանի քաղաքապետին մասնագիտական խորհրդատվություն ապահովելու նպատակով, Երևանի քաղաքապետ Տարոն Մարգարյանի հանձնարարությամբ ձևավորվել է քաղաքապետին կից քաղաքաշինական խորհրդի երիտասարդության հանձնաժողով (այժմ Երևանի քաղաքապետին կից երիտասարդության հարցերի խորհուրդ): Խորհրդի կազմում ընդգրկված են մայրաքաղաքի բուհերի ուսանողական խորհուրդների, ինչպես նաև երիտասարդական հասարակական, հոգևոր, մշակութային, սպորտային կազմակերպությունների ներկայացուցիչներ:
Երևանի քաղաքապետին կից երիտասարդության հարցերի խորհրդի նպատակներն են`
➢ ՀՀ քաղաքացիների, հասարակական միավորումների շահերի ներկայացումն Երևան համայնքի քաղաքականության մշակման և իրականացման գործում,
➢ Երևան քաղաքում բարոյահոգեբանական մթնոլորտի առողջացմանը նպաստելը՝ քաղաքացիների և հասարակական միավորումների ակտիվ մասնակցության խթանմամբ,
➢ Հանրության և փորձագիտական շրջանակների այլընտրանքային մոտեցումների ու դիրքորոշումների միջոցով հանրային հնչեղություն և կարևորություն ունեցող խնդիրների վրա Երևանի քաղաքապետի ուշադրության հրավիրումը,
➢ Երևան քաղաքի բնակիչների համար ծրագրերի մշակման և իրականացման գործընթացում ապահովել հանձնաժողովի ակտիվ մասնակցությունը՝ հաշվի առնելով բնակիչների կարիքներն ու պահանջները: