Այսօր զրուցեցի ProgArt-ի անդամ, 18 ամյա ժամանակակից գրող Դինա Կարապետյանի հետ, բավականին հետաքրքիր հարցազրույց ստացվեց: 1.Ինչու միացաք ProgArt կազմակերպությանը. ProgArt-ին միացա հասկանալու համար արդյոք ունեմ տաղանդ թե ինքս ինձ խաբում եմ, արդյոք շրջապատիս մարդիկ անկեղծ են ասում, որ լավ եմ գրում, թե պարզապես այդպես են ասում որպեսզի չվշտացնեն ինձ: 2.Որ տարիքից եք սկսել ստեղծագործել. Կարելի է ասել 7 տարեկանից, ես 7 տարեկան հասակից գրի էի առնում այն ինչ ինձ ուրախացնում կամ տխրեցնում էր: Սակայն որպես այդպիսին գեղարվեստական արժեք ունեցող ստեղծագործություններ սկսեցի գրել 12 տարեկան հասակից: 3.Որ գրողն է ձեզ ոգեշնչում. Չգիտեմ, չեմ կարող առանձնացնել ինչ-որ կոնկրետ գրողի, բայց շատ եմ հավանում Հերման Հեսսեյի գործերը: Այն գաղափարները, որ կան Հեսսեյի ստեղծագործություններում ինձ հաճախ են ստիպել մտածել կյանքի, մարդկանց վերաբերմունքի առհասարակ շրջապատի մասին: 4.Ով է ձեր ամենասիրելի գրողը. Ունեմ երկու սիրելի գրող, առաջինը ինչպես հասկացաք Հերման Հեսսեն է, իսկ երկրորդը Սթիվեն Քինգը: 5.Ինչն է ձեզ մղում գրել. Ինձ իմ ապրումներն ու հոգեվիճակն են մղում գրել: 6.Ով եք դուք գրականությունից դուրս. Գրականությունից դուրս ես մի լուռ աղջիկ եմ, ով սիրում է երաժշտություն լսել և ֆիլմեր դիտել: Ես չեմ սիրում երազել և ունեմ արտակարգ հիշողություն անցյալը փորփրելու և հիշողություններում ապրելու համար: 7.Պոզիտիվ թե մելանխոլիկ անձ եք համարում ձեզ. Մելանխոլիկ, չգիտեմ ինչու դեռ վաղուց մելանխոլիան ինձ համար ավելի հարազատ է, բայց երբ հարկ է լինում վերածվում եմ պոզիտիվ անձի, ով պետք է ուրախացնի բոլորին: Չեմ սիրում երբ ինձ շրջապատում են տխուր մարդիկ և ամեն կերպ փորձում եմ նրանց ուրախացնել: 8.Ինչ է կյանքը ըստ ձեզ. Ըստ իս կյանքը իսկապես կարելի է կյանք անվանել երբ ապրում ես, այլ ոչ թե ձևացնում: Ցավոք հիմա շատերն են ձևացնում թե ապրում են: 9.Ինչով եք զբաղվում այժմ. Դեռ ոչնչով չեմ զբաղվում, պարզապես վայելում եմ ամառը: 10.Ձեր ապագան կապում եք գրականության հետ. Չեմ կարող ասել, ես գրելը ապագայի հետ չեմ կապել քանի որ միշտ գրել եմ ինքս ինձ հանգստացնելու համար: Որպեսզի էմոցիաներս ինձ չխեղդեն գրածս հանձնել եմ թղթին, այդ պատճառով իմ կողմից գրված շատ տողեր վառվել են, զգացածս մոխիր է դարձել: 11.Ինչ խորհուրդ կտաք այլ սկսնակ գրողներին. Խորհուրդ կտամ չվախենալ սեփական մտքերից, եթե զգում եք, որ ձեր մտքերը ձեզ խեղդում են պարզապես գրի առեք դրանք: Հավատացեք հանճարեղ ստեղծագործությունները ծնվում են ձեզ այդքան կործանարար թվացող մտքերից;Ուղղակի մի վախեցեք:
|