Աբովյանը դարձել է 2016-2020թթ. Միավորված ազգերի կազմակերպության (ՄԱԿ-ի) աղետների ռիսկի նվազեցման տարածաշրջանային պլատֆորմի «Քաղաքները դիմադրողական դարձնել. իմ քաղաքը պատրաստվում է» քարոզչական արշավի անդամ։
Աբովյան համայնքը հանձնառություն է ստանձնել ծրագրի 10 հիմնարար կետերի իրագործման հարցում, որը պիտի նպաստի աղետների ռիսկերի նվազեցման, այդժամ համապատասխան պատրաստ արձագանքի, ստեղծված իրավիճակում ճիշտ կողմնորոշվելու և նմանատիպ մյուս հարցերում պատրաստված ու պրոֆեսիոնալ ձևով գործելուն։
Վերջերս ՀՀ-ում անցկացվեց Կենտրոնական Ասիայի և Հարավային Կովկասի տարածաշրջանային 2-րդ պլատֆորմի «Միասին հանուն դիմակայունության և կայուն զարգացման» համաժողովը, որ մեկտեղել էր բազմաթիվ արհեստավարժ մասնակիցների ու ծրագրի անդամ քաղաքների ներկայացուցիչների՝ քննարկելու ոլորտում առկա բացերն ու մշակելու համապատասխան ռազմավարություն։
