Կապանի N13 հիմնական դպրոցի Vա դասարանի աշակերտները դասղեկ Ռիմա Մկրտչյանի նախաձեռնությամբ թռչունների պահպանության միջազգային օրվան նվիրված կազմակերպեցին միջոցառում «ԴԻՄԱՎՈՐԵՆՔ ԹՌՉՈՒՆՆԵՐԻՆ» խորագրով:
Օգտագործելով թռչունների մասին իրենց գիտելիքներն ու հնարամտությունը` աշակերտները ինքնատիպ թռչնաբներ, կերակրամաններ պատրաստեցին մեր քաղաքում բնադրող թռչունների համար:
Թռչնաբների պատրաստման համար աշակերտները օգտագործել էին տարբեր նյութեր` փայտ, մետաղե ձողեր, պլաստիկե տարաներ, տարբեր թափոններ: Նորարարական մոտեցումը խրախուսվեց բոլորի կողմից:
Ճիշտ է, մարդը չի կարող թռչնի հմտությամբ բույն հյուսել, սակայն կարող է յուրահատուկ լուծումներով պատրաստել երկարաժամկետ բնադրման համար հարմար, տաք և ապահով կացարան, որը կպատսպարի թռչնին ցուրտ ձմռանը, կպաշտպանի նրան կենդանիների և գիշատիչ թռչունների հարձակումներից:
ՄԿԱ գծով փոխտնօրեն Ժաննա Վարդանյան
