Այս անգամ, չնախատեսված այցով եղանք Քարաշամբի միջնակարգ դպրոցում: Դպրոցի շենքը կառուցվել է 1974 թվականին: Վերանորագման աշխատանքներ են կատարվել 2011-2012 թվականներին: Փոխվել է տանիքը, պատուհանները, վերանորոգվել են սանհանգույցները, ներդրվել է կենտրոնացված ջեռուցում: Շենքն ունի կոսմետիկ վերանորոգման խնդիր, հատկապես անմխիթար է մանրահատակը:
Դպրոցական շենքը նախատեսված է 285 աշակերտի համար: Այսօր, սովորող աշակերտների թիվը կազմում է 63:
Դասապրոցեսը ընթանում էր բնականոն: Առկա է երկու երկհամակազմ դասարան:
Չնայած դպրոցի սուղ միջոցներին, տնօրենի հետ ունեցած նախնական պայմանավորվածության արդյունքում, նախատեսում ենք որոշակի բարեկարգման աշխատանքներ: Այս հարցում, հուսանք կլինի նաև դպրոցի բարերարի աջակցությունը:
Հ. Ադամյան