Այսօր Ավստրիայի կրթության նախարարության հետ կրթական համագործակցության շրջանակներում գերմաներենի ուսուցչուհի Մարինե Քոչարյանի նախաձեռնությամբ տեղի ունեցավ միջոցառում՝ «Սպիտակաձյունիկն ու յոթ թզուկները» հեքիաթի բեմականացումը:
Միջոցառմանը ներկա էին Ավստրիայի փոխանակման ծառայության դասախոս Մորից Լենգլախները, Վիեննայի համալսարանից վերապատրաստող մասնագետ Կառլա Ռուբռեխտը, Ավստրիական գրադարանի ղեկավար, Բրյուսովի օտար լեզուների համալսարանի դոցենտ Լիանա Սաֆարյանը:
Բեմադրությանը մասնակցում էին 3-րդ և 7-րդ դասարանների աշակերտները, դաշնամուրային նվագակցությամբ հանդես եկան 9-րդ դասարանի աշակերտուհիները: Աշակերտները ներկաներին հիացրեցին բեմական վարպետությամբ, սահուն և անկաշկանդ գերմաներենով: Իրենց տպավորություններով կիսվեցին հյուրերը, ովքեր հիացել էին աշակերտների թե՛ բեմական վարպետությամբ, թե՛ բազմաշնորհությամբ, թե՛ գերմաներենի փայլուն իմացությամբ: Մեր հյուրերին շատ հետաքրքրեց զուգահեռ ընթացող շախմատի պարապմունքը, որը անտարբեր չթողեց Մորիս Լենգլախներին՝ նախկին պրոֆեսիոնալ շախմատիստին: Նա ուժերը չափեց մեր աշակերտ Վրեժ Մարգարյանի հետ: Խաղն ավարտվեց ոչ-ոքի:
