Durun lütfen yüklemiyor...

Makaleler

Բռնակալության, դեմոկրատիայի, ազատության, կոռուպցիայի և դրանց ծիրում գտնվող մի քանի այլ հասկացությունների մասին

21:25, cuma, 09 mart, 2018
Բռնակալության, դեմոկրատիայի, ազատության, կոռուպցիայի և դրանց ծիրում գտնվող մի քանի այլ հասկացությունների մասին
    

Դիկտատուրայի տրամաբանությունը դա կացնի տրամաբանությունն է:

Մաքսիմ Գորկի (1868 - 1936), խորհրդային ռուս գրող


     Պետությունը նրա համար չէ, որ կյանքը դրախտի վերածի, այլ նրա համար է, որ թույլ չտա կյանքը դժոխքի վերածել:

Նիկոլայ Բերդյաև (1874 - 1948), ռուս գրող


     Ազատությունն ինքնին անհավասարության իրավունք է:

Նիկոլայ Բերդյաև


     Հեղափոխությունների արդյունքում դեմոկրատիան երբեք չի հաղթել:

Նիկոլայ Բերդյաև


     Ցանկացած իշխանություն իր մեջ թույն է պարունակում:

Նիկոլայ Բերդյաև


     Ժողովրդի պատմությունը ցարին է պատկանում:

Նիկոլայ Կարամզին (1766 - 1826), ռուս պատմաբան


     Ժողովուրդը շղթայված պահելու ենթակա կատաղած ոհմակ չէ: Եթե նա հիրավի ազատ է, միշտ հանդարտ է ու զուսպ, բայց երբ նա ստորացված վիճակում է հայտնվում, դառնում է կատաղի ու անսանձ:

Օնորե Միրաբո (1749 - 1791), Ֆրանսիական Մեծ հեղափոխության գործիչ, հռետոր


     Մեր կյանքում ոչ այնքան կարևոր է այն, թե ինչ վիճակում ենք գտնվում, այլ այն, թե ինչ ուղղությամբ ենք գնում:

Օլիվեր Ուենդել Հոլմզ (1809 - 1894), ամերիկացի բանաստեղծ


     Ցանկացած իշխանություն շարունակական դավադրություն է:

Օնորե դը Բալզակ (1799 - 1850), ֆրանսիացի գրող


     Կուսակցությունն իր էությամբ ապականություն (կոռուպցիա) է: Վիճակը կարող է փոխվել, երբ տարբեր կուսակցություններն իրարից աչք չեն կտրում: Վերահսկողությունից զերծ մեկ կուսակցությունը, սակայն, ապականություն է, սանձազերծվածություն և ոչինչ ավելի: Այն ճնշում է քննադատության յուրաքանչյուր ակնարկ ու ճշմարտության յուրաքանչյուր դրսևորում:

Օսվալդ Շպենգլեր (1880 - 1936), գերմանացի պատմաբան ու փիլիսոփա


     Քաղաքականությունը դա հարուստների ընտրարշավի համար հարուստներից փող ու աղքատների ձայնը ստանալու և մեկին մյուսից պաշտպանելու ազնվաբարո արվեստն է:

Օսկար Ամերինջեր, ամերիկացի սոցիոլոգ


     Երկու չարիքներից մեկի ընտրության առաջ կանգնած հոռետեսն ընտրում է երկուսն էլ:

Օսկար Ուայլդ (1854 - 1900), իռլանդացի գրող, բանաստեղծ ու դրամատուրգ


     Դեմոկրատիան դա ժողովրդի օգնությամբ ժողովրդի հիմարացումն է՝ հանուն ժողովրդի:

Օսկար Ուայլդ


     Երբեք այնքան շատ չեն ստում, որքան պատերազմի ժամանակ, որս անելուց հետո և ընտրություններից առաջ:

Օտտո ֆոն Բիսմարկ (1815 - 1898), միավորված Գերմանիայի առաջին կանցլերը


     Քաղաքականությունը հնարավորի արվեստն է:

Օտտո ֆոն Բիսմարկ


     Քաղաքականությունը դա հանգամանքներին հարմարվելու և ամեն ինչից, նույնիսկ նողկալիից օգուտ քաղելու արվեստն է:

Օտտո ֆոն Բիսմարկ


     Առանց չարաշահման՝ իշխանությունը հմայիչ չէ:

Պոլ Վալերի (1871 - 1945), ֆրանսիացի բանաստեղծ


     Կոռուպցիան ճշմարիտ ցուցիչ է այն բանի, որ իշխանությունը ոչ միայն կորցրել է պետությունը կառավարելու ունակությունը, այլև վերջնականապես կորցրել է նաև խիղճը:

Պավել Կուրյանոֆ, ռուսաստանցի անհատ ձեռներեց


     Կոռուպցիայի կեցավայրն այն երկրներն են, որոնցում շատ են արգելող օրենքները, իսկ կոռուպցիայի կերակուրը հասարակ ժողովուրդն է:

Պավել Կուրյանոֆ


     Նոր ղեկավարին հնի հանձնարարականով ընտրելը նույնն է, թե նախկինին կառավարման նոր ժամանակամիջոց ես հատկացրել:

Պավել Կուրյանոֆ


     Ենթակաների վրա ազդելու երեք եղանակ կա՝ պարգևատրել, վախեցնել և անձնական օրինակ ցույց տալ: Վերջինն ամենահուսալին է:

Պավել Նախիմով (1802 - 1855), ռուս ծովակալ


     Իշխանավորներն այդպես պինդ են կառչում իրենց իշխանությունից, որովհետև վախենում են դառնալ այն իրավազուրկ աղբը, որպիսին համարում են մնացյալին:

Անհայտ հեղինակ


     Ոչ մի շվեյցարացի դեմոկրատիայի մասին չի մտածում, երբ խորհում է իր երկրի մասին. նա միայն ծաղկման մասին է մտածում: Նրա մտապատկերում վաղուց արդեն Շվեյցարիայի կերպարը դեմոկրատիայի հետ չի բաղդատվում, որովհետև այդ դեմոկրատիան պարզապես ներկա է իր երկրում:

Պիտեր Բիքսել (ծնվել է 1935-ին), շվեյցարացի և գերմանացի գրող


     Հանդարտության ու անվտանգության համար իշխանության հասնելու ձգտումը նույնն է, թե բարձրանաս հրաբխի վրա՝ փոթորկից պատսպարվելու համար:

Ֆրանչեսկո Պետրարկա (1304 - 1374), իտալացի բանաստեղծ


     Այն մարդիկ, ովքեր իրեն այնքան խելացի են համարում, որ իրենց հեռու են պահում քաղաքականությունից, պատժվում են նրանով, որ իրենց կառավարում են իրենցից ավելի հիմարները:

Պլատոն (մ.թ.ա. 429-427 - 347), հույն փիլիսոփա


     Երբ ասպարեզ է գալիս բռնակալը, նա աճում է որպես ժողովրդի ընտրյալ:

Պլատոն


     Բռնակալի առաջին խնդիրը քաղաքացիներին մշտապես որևէ պատերազմի մեջ ներքաշելն է, որպեսզի ժողովուրդը կարիքի մեջ հայտնվի ու առաջնորդ ուզենա..Իսկ եթե այդ բռնակալը որևէ մեկին կասկածի, որ նա ազատամիտ է ու մերժում է իր կառավարումը, ապա այդպիսի մարդուն նա ոչնչացնում է՝ այն պատճառաբանությամբ, թե նա ծախվել է թշնամուն:

Պլատոն


     Քաղաքական կրավորականության պատիժը լինում է չարագործների իշխանությունը:

Պլատոն


     Առանձին մարդիկ կարող են ուրիշներին մոլորեցնել ու իրենք էլ մոլորության մեջ հայտնվել, բայց ոչ ոք չի կարող բոլորին մոլորեցնել:

Պլինիոս Կրտսեր (մ.թ. 61 - 113), հռոմեացի քաղաքական գործիչ, գրող և փաստաբան


     Ինչպես մարդու, այնպես էլ պետության ամենածանր հիվանդությունն այն հիվանդությունն է, որն սկսվում է գլխից:

Պլինիոս Կրտսեր


     Մանր մեղքերը խոշոր են թվում, երբ դրանք բացահայտվում են այն մարդկանց վարքում, որոնց իշխանություն է վստահված:

Պլուտարքոս (մ.թ. 46 - 120), հույն պիլիսոփա, գրող, հասարակական գործիչ


     Վատագույն կրքերն ու իշխանությունն իր անձի մեջ համատեղող մարդուց ահավոր գազան չկա:

Պլուտարքոս


     Բռնակալի արյունռուշտության գլխավոր պատճառը վախկոտությունն է:

Պլուտարքոս
Bu gönderiyi tanıtın
Makaleyi yayınlamağı hakkında bilgiler veriyoruz Basın sekreteri. Basın sekreteri projenin içinde.
Abone ol ve malalelerin yayınla:
Beğenmek
0
Beğenmemek
0
5111 | 0 | 0
Facebook