Սիրելի կանայք և աղջիկներ, գործընկերուհիներ, ինչպես նաև քաղաքապետարանի աշխատակազմի և ենթակա հաստատությունների գեղեցիկ սեռի ներկայացուցիչներ․․․
Ջերմորեն շնորհավորում ենք Ձեզ Մարտի 8-ի` Կանանց միջազգային օրվա առթիվ: Կնոջ, աղջկա նկատմամբ հարգանքն ու սերը դարերի խորքից է գալիս: Դրա ակունքները կանանց գեղեցկությունն ու քնքշանքը չեն միայն:
Անուրանալի է ձեր դերակատարությունը մեր ժողովրդի ձեռքբերումների, մշակութային արժեքների ստեղծման, պատմական դժվարին պահերին տոկունության ու ոգու ամրության պահպանման գործում:
Առաջին հերթին ձեր նվիրումի և առաքինության շնորհիվ են պահպանվում մեր ազգային լավագույն ավանդույթները, հայոց ընտանիքի ամրությունը, որոնք առողջ հոգով և մտքով սերունդ դաստիարակելու հիմքն են:
Հրաշալի այս տոնի առթիվ ձեզ գարնանային հմայք ու տրամադրություն ենք մաղթում:
Թող ձեր բոլոր օրերը լեցուն լինեն խինդով, ձեր հոգիներում մշտապես թագավորեն լույսն ու ջերմությունը:
Թող ձեր կյանքում պակաս կարևոր տեղ չունենան մասնագիտական ու աշխատանքային հաջողությունները, մեր անկախ երկրի արժանապատիվ քաղաքացի լինելու ձգտումը:
Մաղթում ենք ձեզ անձնական հարատև երջանկություն, առողջություն, սեր եւ բեղմնավոր գործունեություն:
Թող ի կատար ածվեն ձեր բոլոր նվիրական երազանքները:
Սիրով՝ Հրազդանի համայնքապետարանի կրթության, մշակույթի և սպորտի բաժնի աշխատակազմ․․․
Հրազդանի Համայնքապետարանի Կմս բաժին