«Հոնդա» մակնիշի ավտոմեքենաներ արտադրող աշխարհահռչակ ընկերության հիմնադիր Սուհիտորո Հոնդան ժամանակ առ ժամանակ հիշել է 1951 թվականին իր կյանքում տեղի ունեցած զվարճալի դեպքը:
Խոշոր ներդրումների կարիք ունեցող Հոնդան և իր գործընկեր Ֆուջիսավան որոշում են վարկ խնդրել «Միցուբիսի» բանկից: Վարկատուի բարեհաճությանն արժանանալու համար նրանք որոշում են իրենց ամբողջ փողը ծախսել ճոխ ճաշկերույթ կազմակերպելու վրա:
Մինչ հյուրերն ուտում-խմում էին, այս երկու գործընկերները բեմահարթակից նրանց ծիծաղաշարժ պատմություններով են զվարճացրել:
Հաջորդ օրը Հոնդան և Ֆուջիսավան վստահաքայլ բանկ են գնում: Նրանք համոզված են եղել, թե ճոխ հյուրասիրությունն ու իրենց դերասանական ճիգերն ըստ արժանվույն կվարձատրվեն, ու իրենք այնքան անհրաժեշտ գումարը կստանան: Բայց նրանց հույսը հօդս է ցնդում: Բանկը նրանց դիմումին հետևյալն է պատասխանել.
«Ընկերությունը չի կարող ծաղրածուներին փող վստահել»:
