ՀՀ Կառավարության կողմից իրականացվող «Մաքուր Հայաստան» ծրագրի շրջանակներում կազմակերպված հերթական շաբաթօրյակի աշխատանքներին տեղում ծանոթանալու նպատակով ՀՀ Կոտայքի մարզպետ Կ. Գուլոյանը շրջայց է կատարել մարզի համայնքներում:
Կոտայքի մարզպետը հետևել է մարզի տարածքում կատարվող սանիտարական մաքրման աշխատանքների ընթացքին, ինչպես նաև շաբաթօրյակի կազմակերպման և համակարգման պատասխանատուների հետ համատեղ քննարկել օրվա ընթացքում նախատեսված անելիքների հիմնական ուղղությունները:
«Մաքուր Հայաստան» ծրագրի շրջանակներում ձևավորված մարզային համակարգող հանձնաժողովի կողմից Կոտայքի մարզպետին զեկուցվել են մարզում իրականացված շաբաթօրյակի կազմակերպական մանրամասներն ու արդյունքները:
Հավելենք, որ հերթական շաբաթօրյակի շրջանակներում մարզում նախատեսվել է փակել ևս 10 աղբավայր:
Կոտայքի մարզպետը ընդգծել է շաբաթօրյակի աշխատանքների պատշաճ ու համակողմանի կազմակեպման կարևորությունները և մարզային պատասխանատուներին տվել համապատասխան հանձնարարականներ:
