Durun lütfen yüklemiyor...

Makaleler

ՀԱՆԵԼՈւԿ կամ «Վերնագիրը վերջում» աքրոստիկոսի տեսքով

09:18, cumartesi, 24 haziran, 2017
ՀԱՆԵԼՈւԿ կամ «Վերնագիրը վերջում» աքրոստիկոսի տեսքով

Ամեն վայրկյա՛ն, ամեն անգա՜մ

Նորովի է աշխատում,

Երբ պատահմամբ անուշադիր

Կամ էլ հոգնած ես լինում…


    

Ոչ մի կանոն չի՛ ընդունում,

Ոչ մի օրե՜նք աշխարհում…

Երբ ցանկանում լա՜ց է լինում

Երբ ցանկանում՝ ծիծաղում…


    

Մեկ վազո՛ւմ է քամու նման,

Մե՛կ էլ կանգնում մահաբեր,

… Չես հասկանում լեզուն նրա,

Երբ հևում է անհամբեր:


    

Առվի նման կարկաչո՜ւմ է,

Անձրևի պես հարվածո՛ւմ,

Մեկ ներո՜ւմ է, մեկ ատո՜ւմ է,

Մեկ թախծո՜ւմ է, մեկ՝ լռում:


    

Արևի պես տա՛ք է լինում,

Մայրամուտի պես հոգնա՜ծ,

Մեկ ձմե՛ռ է քո մեջ ծնում,

Մեկ էլ գարո՜ւն ծաղկազարդ:


    

Մեկ քեզ ծե՜ր է թվում անչափ,

Մե՛կ թվում է մի մանուկ,

… Մի բռւնցքի մեծությամբ -

Չլուծվող մի հանելուկ:


    

Թոթովո՜ւմ է մանկան նման,

Աշնան նման մերկանո՛ւմ,

Եվ մոր նման արևահամ

Աղոթքներ է շշնջում:


    

Սիրո՛ւմ է իր ողջ ծավալով,

Իր կշռով մեկ, անընդհա՜տ,

Րոպեն ժա՛մ է սարքում փութով,

Տարին սեղմո՜ւմ - սարքո՛ւմ պահ:


    

Ս.Ումառ-Հարությունյան

Bu gönderiyi tanıtın
Makaleyi yayınlamağı hakkında bilgiler veriyoruz Basın sekreteri. Basın sekreteri projenin içinde.
Abone ol ve malalelerin yayınla:
Beğenmek
1
Beğenmemek
0
5916 | 0 | 0
Facebook