Ըստ Հին կտակարանի՝ մ.թ.ա. մոտավորապես 1230-ից 1220 թվականի միջակայքում եգիպտական գերությունից փախած հրեաները գրավում են Քանան երկիրը: Բայց պատմական անհերքելի փաստերը վկայում են, որ Քանան երկիրն այդ ժամանակաշրջանում եղել է ընդամենը եգիպտական մի ծայրագավառ: Մինչդեռ հինկտակարանային ոչ մի պատմությունում անգամ հպանցիկ չի հիշատակվում, որ Քանանը Եգիպտոսի կազմում է եղել: Հեսու Նավեի գրքում նկարագրված ամրոցներն այդ ժամանակաշրջանում դեռ գոյություն չեն ունեցել: Տվյալ ժամանակաշրջանին վերաբերող գիպտական բազմաթիվ արխիվայն փաստաթղթերում որևէ ճակատամարտի մասին ոչ մի հաշատակում չկա: Ինչ վերաբերում է Երիքովին, որի պարիսպները, ըստ Հին կտակարանի, փլուզվել են շեփորների ձայնից, ապա պետք է ասել, որ այս դեպքում էլ են նրա հեղինակները ստել, որովհետև այդ ժամանակ, ինչպես պարզել են հնագետները, այն դեռ պարսպապատված չի եղել:
