Այս երկրի սեփական արտադրության ռազմական ATAK ուղղաթիռները զինվել են դարձյալ սեփական արտադրության UMTAS և L-UMTAS հակատանկային հրթիռային համակարգերով:
ATAK ուղղաթիռը, որ հանդերձավորված է բարդ տեղանքում ամենաբարդ գործողություններ կատարելու, թիրախները բացահայտելու և խոցելու ամենաարդիական համակարգերով, այսուհետ կունենա նաև հակատանկային UMTAS հրթիռներ և մեծ հեռահարության հակատանկային L-UMTAS հրթիռային համակարգ (լազերային ուղղորդմամբ):
ATAK ուղղաթիռը թուրքական բանակի տրամադրության տակ է դրվել 2014-ի հունիսին: UMTAS և L-UMTAS համակարգերի շնորհիվ թուրքական ռազմական ուղղաթիռները հնարավորություն են ստանում մեծ հեռավորությունից ոչնչացնել հակառակորդի թիրախները:
Թուրքական մամուլն ընդգծում է, թե այս նոր համալիրներով սպառազինված ուղղաթիռները կատարյալ մղձավանջ են դառնալու ահաբեկիչների համար:
ATAK դասի ավելի վաղ արտադրության 60 հատ T-129 ուղղաթիռ Թուրքիայից գնել է Ադրբեջանը:
Թուրքիան ներկայում ունի ATAK դասի 16 նորագույն ուղղաթիռ: 2017-ի վերջին դրանց թիվն հասնելու է 35-ի:
2018-ին թուրքական բանակը նաև «Hurkus» սերնդի նոր ռազմական ինքնաթիռներ է ստանալու: