Լավագույն պաշտպանիչ միջոցը, ինչ խոսք, ռետինե նուրբ ձեռնոցն է: Բայց եթե ձեռնոց չկա, պետք է ափերին ձիթայուղ կամ մեկ այլ բուսայուղ քսել:
Եթե վերոնշյալ պաշտպանիչ միջոցները չեք կիրառել, ու ձեր ափերն ու մատերը ներկվել են, չարժե հոսող ջրի, օճառի կամ լվացնող այլ միջոցի օգնությանը դիմել ու սպունգով մրմռացնելու աստիճան ափերը տրորել:
Բազուկի հյութի թողած հետքը մաքրելու համար պետք է ափերը շփել որևէ թթու նյութով, օրինակ, կիտրոնի կամ խնձորի հյութով, իսկ եղունգների շրջակայքի ներկը վերացնելու համար պետք է դրանք շփել կիտրոնի կամ խնձորի շերտիկով (իմիջիայլոց, այս գործողությունը նաև ամրացնում ու ճերմակեցնում է եղունգները): Կարելի է նաև լուցկու հատիկին բամբակ փաթաթել, թրջել կիտրոնի հյութով և շփել եղունգների բոլոր ներկված հատվածները:
Մի խոսքով, անհրաժեշտ է ցանկացած թթու միջավայր: Կարելի է նույնիսկ քացախով, որը նախապես պետք է ջրով բացել, որովհետև մաքուր քացախը կարող է մաշկը վնասել:
Եթե ձեր պատրաստելիք կերակրի բաղադրիչներից մեկն էլ բազուկն է, ապա լավ կլինի սկսեք բազուկից: Եթե բազուկը կլպելուց, կտրատելուց անմիջապես հետո անհրաժեշտ լուծույթով ձեռքերը տրորեք ու կերակուրը պատրաստելու ընթացքում ձեռները լվանաք, բազուկի թողած հետքը լրիվ կվերանա: