Որքան հաճախ ենք մենք պահում հին իրերը՝ մտածելով, որ կարող է պետք գան ինչ-որ առիթով: Այսպես մտածելով տանը հավաքվում են անպիտան իրեր, որոնք ոչ միայն անիմաստ տեղ են զբաղեցնում, այլև խլում են մեր էներգիան՝ քաշելով անցյալ:
Ցանկանու՞մ եք աճել և զարգանալ: Ահա 5 պատճառ հին իրերից ազատվելու համար:
Գոյություն ունի առատության կանոն՝ որպեսզի նորը գա, պետք է ազատվել հնից: Այլապես Մոլորակը չի տեսնում տեղ, որտեղ ձեզ ուղարկի նորը:
Չինաստանում ասում են՝ հինը չգնա, նորը չի գա:
Ֆեն-շույի օրենքով հին իրերը չեն թողնում ազատ Ցի էներգիային անկաշկանդ հոսալ, այդ պատճառով ոչ մի փոփոխությունների և նոր իրերի մասին խոսք գնալ չի կարող:
Մեկ այլ եզրահանգում. երբ մենք հին բան ենք հագնում, կամ հին օծանելիք ցանում, կամ լսում ենք երաժշտություն անցյալից՝ այն մեզ տանում է դեպի հին օրեր: Հին իրերի հետ հիշողություններ են վերադառնում: Սակայն բանն այն է, որ ոչ միայն զգացմունքներն են հայտնվում, այլև հին մտքերը, ինչը շատ վտանգավոր է, քանի որ հենց մտքերն են ձևավորում կյանքը: Այդ կերպ մենք ձևավորում ենք կյանքը հին մտքերով և չենք ստանում այն, ինչ ուզում ենք:
Կառչելով հին իրերից այն մտքով, որ հանկարծ հնարավորություն չի լինի գնել նորը, մենք ինքներս մեզ աղքատության ենք ծրագրավորում: Եթե մենք հանգիստ նետում ենք հին իրերը, մտածելով, որ կգնեք նորը, կամ կունենաք ավելի լավը, մենք մեզ լավին ենք ծրագրավորում:
Յուրաքանչյուրիս մոտ կան իրեր, որոնք կարելի է գցել կամ տալ չունևորներին: Վերանայեք ձեր իրերը և ազատվեք նրանցից, որոնք դուք 2 տարի չեք օգտագործել: Փորձեք և հետևեք, թե ինչպես եք դուք ձեզ զգում այդ ընթացքում: Թեթևության զգացողությունն ապահովված է: