Идет загрузка...
Сегодня:  Пятница, 29 Марта, 2024 года

Статьи

Երևանյան դպրոցներում հնչել է առաջին զանգը

Yerevan info
Автор:
Yerevan info
14:25, Суббота, 01 Сентября, 2018 года
Երևանյան դպրոցներում հնչել է առաջին զանգը

Գիտելիքի և դպրության օրը Երևանի քաղաքապետարանի ենթակայության կրթօջախներում նշանավորվել է տոնական միջոցառումներով: Երևանի քաղաքապետի առաջին տեղակալ, քաղաքապետի պաշտոնակատար Կամո Արեյանն այցելել է Ալ. Պուշկինի անվան հ.8 հիմնական դպրոց և ներկա գտնվել նոր ուսումնական տարվա մեկնարկի առիթով կազմակերպված հանդիսավոր արարողությանը: Շնորհավորելով աշակերտներին, ուսուցիչներին և ծնողներին՝ Կամո Արեյանը բեղմնավոր ու գիտելիքներով լի ուսումնական տարի է մաղթել, իսկ մանկավարժներին հորդորել անմնացորդ նվիրումով աշխատել, դաստիարակել կրթված սերունդ, որը վաղվա Հայաստանի հզորացման առաջին նախապայմանն է լինելու:

Հանդիսավոր միջոցառման ժամանակ կրթօջախի նախորդ տարվա լավագույն աշակերտի պատվոգիրը հանձնվել է 9-րդ դասարանցի Հայկազ Բալումյանին, իսկ խորհրդանշական առաջին զանգը հնչեցրել է հռչակավոր դերասան Հրաչյա Ներսիսյանի ծոռան ծոռ Միքայել Օրդուխանյանը: Այնուհետ տոնական մթնոլորտը տեղափոխվել է դպրոցի դահլիճ, ուր գեղարվեստական միջոցառման ընթացքում ներկայացվել է նաև պուշկինցիների մասին պատմող տեսաֆիլմ:
     Նոր ուսումնական տարվա մեկնարկի առիթով երևանյան դպրոցներ են այցելել և օրվա խորհրդով կազմակերպված միջոցառումներին ներկա եղել նաև Երևանի քաղաքապետարանի աշխատակազմի այլ ներկայացուցիչներն ու վարչական շրջանների ղեկավարները:

Продвижение этого поста
Статья опубликована в проекте Пресс-секретарь.
Зарегистрируйтесь и опубликуйте свои статьи.
Нравится
0
Не нравится
0
6024 | 0 | 0
Facebook