Կոտայքի մարզպետ Ռոմանոս Պետրոսյանը այցելել է Բյուրեղավան քաղաքում գտնվող «Առողջ սունկ» կազմակերպություն, որի հարևանությամբ ապրող քաղաքացիները տարիներ շարունակ իրենց բողոքն են հայտնում ընկերության գործունեության վերաբերյալ։
Ընկերությունը տեղական և արտաքին շուկայի համար սունկի աճեցման հումքանյութ է արտադրում: Արտադրությունում օգտագործվում են տարբեր բնական պարարտանյութեր և այլ նյութեր, որոնց պատճառով էլ առաջանում է գարշահոտ։ Բնակիչները պահանջում էին կասեցնել կազմակերպության գործունեությունը կամ տեղափոխել բնակավայրից հեռու մի վայր։
Արտադրամասի տնօրենի և բնակիչների հետ քննարկման արդյունքում գտան բոլոր կողմերին բավարարող լուծումը։ Արտադրամասի տնօրենը պարտավորվեց 3 ամսվա ընթացքում ներդնել համակարգ, որը 70-80 տոկոսով կկրճատի տհաճ հոտի տարածումը:
Այս հարցը լինելու է մարզպետի ուշադրության կենտրոնում և 90 օրից կրկին կայցելի Բյուրեղավան՝ իր աչքով տեսնելու, թե ինչ օգուտ են տվել կազմակերպության ձեռնարկած քայլերը, իսկ եթե դրանք շոշափելի արդյունք չունենան՝ կքննարկեն բնակավայրի սահմաններից այդ արտադրամասի դուրսբերման հարցը:
http://kotayk.mtad.am/news/item/2018/06/25/aroxjsunk22062018/
