Եվան զբոսնում էր եդեմական այգում, երբ նրա դեմ ելնում էօձը:
-Կե'ր այս պտուղը, - ասում է օձը:
Քանի որ Աստված նախապես Եվային խրատել էր, այդ իսկ պատճառով նա կտրուկ հրաժարվում է օձի առաջարկից:
-Կե'ր այս պտուղը, - պնդում է օձը, - եթե ուտես, էլ ավելի կգեղեցկանաս ու ավելի շատ դուր կգաս ամուսնուդ:
-Ես դրա կարիքը չունեմ, էլ ավելի գեղեցկանալու անհրաժեշտություն չկա, որովհետև ամուսինս ինձնից բացի ուրիշ կին չունի:
Օձը քրքջում է ու ասում.
Ունի', անշուշտ, ունի':
Քանի որ Եվան չէր հավատում օձին, օձը նրան տանում է բլրի կողմը, որտեղ ջրհոր կար:
-Այդ կինն այս ջրհորում է, - ասում է նա: - Ադամը նրան այստեղ է թաքցրել:
Եվան նայում է ջրհորի մեջ, ջրի հայելում մի գեղեցիկ կնոջ պատկերն է տեսնում, ապա ուտում է օձի հրամցրած պտուղը: