Բյուրեղավանի համայնքապետարանի աշխատակիցներին այսօր ամենուր դիմավորեցին ժպիտով, բարձր տրամադրությամբ: Առիթը գեղեցիկը գնահատող ու գեղեցիկը սիրող, Բյուրեղավան համայնքի ղեկավար Հակոբ Բալասյանի անակնկալն էր կանանց: Գարնանային առաջին տոնին ընդառաջ այս տարի ևս համայնքի ղեկավարը չխախտեց իր իսկ նախաձեռնությամբ ավանդույթ դարձած միջոցառումը: Բյուրեղավան քաղաքի, Նուռնուս, Ջրաբեր բնակավայրերի տարբեր բնագավառներում /դպրոցներ, մարզադպրոց ու արվեստի դպրոց, մանկապարտեզ, Հայփոստ, անձնագրային բաժին, պոլիկլինիկա, համատիրություն, վարչական կենտրոններ և այլ կազմակերպություններ/ աշխատող ու արարող կանայք համայնքապետի կողմից արժանացան հաճելի անակնկալի: Բոլոր վայրերում ընթերցվեց Հակոբ Բալասյանի ուղերձը նվիրված կանանց: Մի փոքր ուշադրությունը ևս մեկ անգամ գեղեցիկ պահ պարգևեց աշխարհի ամենափխրուն էակներին: Ամենուր հնչեցին շնորհակալության ու ջերմությամբ լի խոսքեր: Բյուրեղավանի համայնքապետարանի աշխատակազմի կանայք ևս արժանացան փոքրիկ նվերի:
Բյուրեղավանի Քաղաքապետարան
