Статьи

    
    
    
    
    
    
    
    
    
    
    
    
    
    
    
    
    
    
    
    
    
    
    
     Զրուցակիցս ԵՊՀ Փիլիսոփայության և հոգեբանության ֆակուլտետի ուսանող Դավիթ Աքելյանն է: Դավիթն ունի գերազանց առաջադիմություն և բարձր ակտիվություն ուսանողական կառույցներում:
    
     1.Եթե նորից լինեի 18 տարեկան...
    
     -Կզբաղվեի փիլիսոփայության հետ կապ չունեցող մեկ այլ բանով․․․ փառք աստծո, ես այս տողերը գրում եմ 19 տարեկանում:
    
     2.Տանել չեմ կարողանում, երբ...
    
     -Քննադատում են «Հարթ աշխարհ» -ի կողմնակիցներին․․․ Յուրաքանչյուր ոք ազատ է ընտրել այն իրականությունը, որում ցանկանում է ապրել:
    
     3.Կյանքն ինձ համոզել է, որ...
    
     - Իր կողմից որպես համոզմունք առաջարկվող ոչ մի բան չընդունեմ միանշանակորեն: Անգամ այն, ինչը նոր ասացի:
    
     4.Կորուստներն ու ձեռքբերումները ...
    
     - Ընթացիկ հաշվարկային երևույթներն են, եկեք վերջնարդյունքին նայենք:
    
     5.Ես կսիրահարվեմ նրան, եթե...
    
     - Եթե սկսեմ դատողություններս «եթե» -ներով չկառուցել:
    
     6.Հայաստանն ու ես..․
    
     - Շատ վաղուցվա ծանոթներ ենք... բայց իրական ընկերությունը սկսվեց, երբ առաջին անգամ վերադարձա այլ երկրից:
    
     8.Եթե մեկ նախադասությամբ ինձ բնութագրեի ապա կասեի...
    
     -Կարող է․․․ բայց դեռ մտածում է, որ կարող է:
    
     9.Գուցե հնարավոր է...
    
     - Սեր առաջին հայացքից: Ուղղակի պետք է նախ հասկանալ՝ ինչ հաշվարկման համակարգում պետք է դիտարկել սերը, արդյոք սերը զգացմունք է, զրոյական տրամագծով մատերիալ կետ է, թե ընդամենը չափման միավոր ունեցող ֆիզիկական մարմին։
    
     10.Երջանիկ լինելու համար ինձ անհրաժեշտ է...
    
     - Երջանիկ լինելու համար ինձ անհրաժեշտ է երջանիկ լինելու համար անհրաժեշտի գիտակցումը:
    
     11.Ես չեմ երազում միայն...
    
     - Երազելու մասին` դա ինձ մոտ ամենալավն է ստացվում:
    
     12. Ես կարող էի...
    
     - Ես կարող էի դրախտ ընկնել, բայց ինձ ընտրությանս հնարավորության մասին զգուշացրին այն ժամանակ, երբ արդեն դժոխքում էի:
    
     13. Ես պիտի...
    
     -Խոսեմ, որ ինձ տեսնեն․․․ ցավոք, շատերը միայն ականջներն են սրում այդ ընթացքում:
    
     14. Կուզեի ապրել մի տեղ, որտեղ...
    
     _Գրավիտացիան մաքսիմալ ուժեղ է: Ոչ ոքի մտքով անգամ չէր անցնի իր տունը լքել:
    
     15. Ես Դավիթ Աքելյանն եմ, ես...
    
     - Ես Դավիթ Աքելյանն եմ, ես առավոտյան կարթնանամ Երևանում, կեսօրին կերազամ Մարս թռչելու մասին, իսկ գիշերը կսկսեմ բարձրագույն աշխարհների ճանաչողությունը: