Դեկտեմբերի 31-ին ժամը 19: 00-ին Ապարանի համայնքապետարանը ի դեմս նորընտիր համայնքապետ Կարեն Եղիազարյանի կազմակերպել էր «Ամանորը դիմավորենք միասին» բացօթյա երաժշտական շոու ծրագիր հայտնի աստղերի և հեքիաթների հերոսների մասնակցությամբ:
Հեքիաթային լույսերի մեջ ողողված ապարանյան երեկոն աննախադեպ էր հյուրերի թվով:
Երեխաները առաջին անգամ հանդիպեցին հեքիաթների հերոսներին, իսկ հավաքվածները վայելեցին բարձրորակ երաժշտական կատարումներ:
Երեկոն տևեց 4 ժամից ավելի, բայց հավաքվածները մեծ դժվարությամբ լքեցին հրապարակը:
Հատկանշական է, որ նման մեծ և բազմամարդ միջոցառում Ապարանում կազմակերպվել էր առաջին անգամ:
Երեկոն եզրափակվեց շքեղ հրավառությամբ: