երբ մոտենա արցունքախեղդ մի առավոտ,
կամ ուրիշը՝ ճամպրուկ դարձած ներքնաշորի,
տվայտանքն իմ քո մոլուցքն էլ չի օրորի,
անտարբեր է ապրում այն, որ չունի կարոտ,
սակայն հայտնի է դրաման զույգ սրտերի,
ամենեւին ողբերգության տեղ չի թողնում,
քաղաքն ունի խաչմերուկներ բազմաբանուկ,
բայց ամեն ինչն ինքն իրեն է դեռ կրկընում,
դժվար թե մեկն ապրի վախի տիրույթներով,
նախահարձակ թվա նույնիսկ ինքն իր հանդեպ,
անվերադարձ լացն ու ծիծաղն են զույգ, ի դեպ,
առանձին չեն կարող ապրել կորուստներով․․․
Նոյեմբերի 28, 2017 թ․, Լոս Անջելես։
