Идет загрузка...
Сегодня:  Пятница, 29 Марта, 2024 года

Статьи

Ուսանողներին ներկայացվեցին ՈԱԱԿ-ում կարիերայի հնարավորությունները

10:41, Вторник, 03 Октября, 2017 года
Ուսանողներին ներկայացվեցին ՈԱԱԿ-ում կարիերայի հնարավորությունները

Մասնագիտական կրթության որակի ապահովման ազգային կենտրոնը (ՈԱԱԿ) որպես ուսանողների համար կարիերայի հնարավորություն ստեղծող կառույց և գործատու մասնակցում է Հայ-ռուսական համալսարանի կազմակերպած, հոկտեմբերի 2-6-ին տեղի ունեցող «Կարիերայի շաբաթվան» ։
    
    

ՈԱԱԿ «Ուսանողության ձայն» նախագծի համակարգող Գայանե Անանյանն այսօր միջոցառման մասնակիցներին է ներկայացրել Մասնագիտական կրթության որակի ապահովման ազգային կենտրոնի գործունեությունը, «Ուսանողության ձայն» նախագիծը, ուսանողների և կառույցի համագործակցության եղանակները, ուսանողների համար գործնական հմտությունների ձեռքբերման և կարիերայի հնարավորությունները կազմակերպությունում։ Գայանեն ուսանողներին տեղեկացրել է ուսանողների համար պարբերաբար կազմակերպվող դասընթացների մասին։ Դասընթացն հաջողությամբ ավարտած մասնակիցներն ընդգրկվում են ուսանող-փորձագետների բազայում՝ հնարավորություն ստանալով մասնակցել որակի ապահովման գործընթացներում որպես ուսանող-փորձագետ։ Իսկ լավագույն ուսանող-փորձագետները նաև ՈԱԱԿ-ում կարիերան շարունակելու հնարավորություն են ստանում։
    
    

ՈԱԱԿ ուսանող-փորձագետ Դավիթ Պետրոսյանն էլ ներկայացրել է ուսանող-փորձագետ լինելու առավելությունները, աշխատանքի առանձնահատկությունները և հետագա մասնագիտական զարգացման համար ստեղծված հնարավորությունները։
    
    

ՈԱԱԿ-ից բացի միջոցառման ընթացքում իրենց մոտ ուսանողների համար կարիերայի հնարավորությունները կներկայացնեն կազմակերպություններ տարբեր ոլորտներից։

Источник: www.anqa.am
Продвижение этого поста
Статья опубликована в проекте Пресс-секретарь.
Зарегистрируйтесь и опубликуйте свои статьи.
Нравится
0
Не нравится
0
2842 | 0 | 0
Facebook