Սիրելի՛ հայրենակիցներ, Կոտայքի մարզի հարգարժա՛ն բնակիչներ:
Ի սրտե շնորհավորում եմ բոլորիդ՝ Հայաստանի Հանրապետության անկախության 26-րդ տարեդարձի կապակցությամբ:
1991 թվականի սեպտեմբերի 21-ը մեր տոնացույցի ամենապանծալի էջերից է, քանզի այդ օրը մեր ժողովուրդը միահամուռ «այո» ասաց անկախությանը և ի լուր համայն աշխարհի հայտարարեց, որ վերստանձնում է սեփական ճակատագիրը ինքնուրույն տնօրինելու պատասխանատվությունը: Անկախության հանրաքվեն վերստին հավաստեց, որ մեր բոլոր հաղթանակների գրավականը ամփոփված է հայի անսասան ոգու և միասնական հաստատակամության մեջ:
Ազատագրական մարտերի և մաքառումների հաղթահարմամբ իրականացված մեր ժողովրդի նվիրական երազանքը վերագնահատելով` պետք է զորակցենք մեր երկրի ու պետության զարգացման և հզորացման գործընթացին:
Մեկ անգամ ևս շնորհավորում եմ բոլորիդ և մաղթում ամենայն բարիք:
Թող անկախությունը դառնա ոչ միայն նպատակ, այլև կենսակերպ, Մայր Հայրենիքի բարօրությանը ծառայելու սրբազան պարտականություն:
Հարգանքով` Կ. Գուլոյան
