Աշխատանքային այցով Կոտայքի մարզում է եղել ՀՀ Գյուղատնտեսության նախարար Ի. Առաքելյանը:
ՀՀ Կոտայքի մարզպետ Կ. Գուլոյանը և ՀՀ Գյուղատնտեսության նախարարը նախ եղել են «Առողջ սունկ» ընկերությունում, ծանոթացել սնկարտադրության տարբեր փուլերի կազմակերպման մանրամասներին, սնկի փաթեթավորման և պահեստավորման գործընթացներին, ինչպես նաև սնկի պահածոյացման արտադրամասի գործունեությանը:
Այցելության հաջորդ կանգառը եղել է օրգանական պարարտանյութերի արտադրության «ՕՌՎԱԿՕ» ընկերությունը, որտեղ Գյուղատնտեսության նախարարին և Կոտայքի մարզպետին նեկայացվել են օրգանական պարարտանյութերի արտադրության ընթացքն ու պարարտացման աշխատանքների կազմակերպման ուղղությունները:
Շրջայց է կատարվել նաև օրգանական մոշի և ազնվամորու մշակությամբ զբաղվող «Արմբերրի» ընկերությունում, որտեղ անդրադարձ է կատարվել նաև ընկերության կողմից կաթիլային ոռոգման աշխատանքների կազմակերպման մոտեցումներին:
Այնուհետև ՀՀ Կոտայքի մարզպետ Կ. Գուլոյանը և ՀՀ Գյուղատնտեսության նախարարը այցելել են Արագյուղ համայնքում գործող «Նաիրիան» ընկերություն, ծանոթացել վարդերի և խնձորի աճեցման տեխնոլոգիաներին, եղել են «Նաիրիան» գործարանում, լաբորատորիայում և թորման վայրում: Այս ընկերությունը զբաղվում է բնական կոսմետիկայի արտադրությամբ` կիրառելով հայկական բարձրավանդակում աճող բույսերը:
Գյուղատնտեսության նախարարի աշխատանքային այցելությունն ամփոփվել է «Նաիրիան» ընկերությունում կազմակերպված հանդիպումով, որին մասնակցել են հիշյալ բոլոր ընկերությունների պատասխանատուները:
Հանդիպման շրջանակներում քննարկվել են գյուղատնտեսության նոր ուղղությունների զարգացման հնարավորությունները:
http://kotayk.mtad.am/news/item/2017/09/19/gyux/