Ս/թ սեպտեմբերի 9-ին տեղի ունեցավ Կապանի N13 հիմնական դպրոցի աշակերտական ընդհանուր ժողովը՝ հետևյալ օրակարգով.
1.Սովորողների ինքնավարության մարմնի կանոնադրության հաստատում:
2. Տնօրենի ամենամյա ուղերձի ի գիտության ընդունում:
3. Արտադասարանական և արտադպրոցական աշխատանքների կազմակերպում:
4.ԱԽ ձևավորման աշխատանքների կազմակերպում:
Տնօրեն Զավեն Ստեփանյանը հանդես եկավ ամենամյա ծրագրային ուղերձով՝ 2017-2018 ուս. տարում կատարվելիք ուսումնադաստիարակչական աշխատանքների հիմնական ուղղությունների վերաբերյալ: Աշակերտները հաստատեցին ԱԽ -ի կանոնադրությունը, ի գիտություն ընդունեցին տնօրենի ամենամյա ծրագրային ուղերձը, լսեցին ԱԽ-ի նախագահ Անգելինա Հովհաննիսյանի նախորդ` 2016-2017 ուս.տարվա հաշվետվությունը, միաձայն «լավ» գնահատեցին կատարած աշխատանքները:
Սովորողների դաստիարակչական աշխատանքների կազմակերպիչ Ռիմա Մկրտչյանը հաղորդեց ուսումնական տարվա ընթացքում արտադասարանական և արտադպրոցական աշխատանքների կազմակերպման պլանի մասին: Աշակերտներն իրենց կարծիքներն ու առաջարկություններն հայտնեցին կատարվելիք աշխատանքների շուրջ: Ընդհանուր ժողովը հանդիսացավ հետագա գործունեության ապահովման հիմնական երաշխիքը:
Սովորողների հետ դաստիարակչական աշխատանքների կազմակերպիչ Ռիմա Մկրտչյան
