Այսօր Ձախլիկների միջազգային օրն է: Այս օրը` 40 տարի առաջ, ընդունվել է Ձախլիկների Միջազգային միության կողմից, որը գտնվում է ԱՄՆ-ի Տոպիկա քաղաքում:
Երկրագնդի մոտ 10 %-ը կազմում են ձախլիկները:
Ձախլիկների զանգվածային շարժումը սկսվել է ԱՄՆ-ում` 1980 թ., անցկացվող հանրահավաքների ժամանակ, որոնք անկացվում էին ի պաշտպանություն աշխատանքից հեռացված ոստիկան Ֆրանկլին Ուինբորնի: Ուինբորնը` որպես ձախլիկ, կրում էր ատրճանակի պատյանը ձախ կողմից, մինչդեռ, ըստ կանոնադրության, պետք է կրեր աջ կողմից:
Շատ երկրներում կան հատուկ խանութներ` նախատեսված ձախլիկների համար: Այդտեղ կարելի է գնել դանակներ և մկրատներ, զանազան պարագաներ, սպորտային սարքավորումների, կարի մեքենաներ, ֆոտոխցիկներ, համակարգիչներ, որոնք ունեն ստեղնաշար` նախատեսված ձախլիկների համար: Ձախլիկների համար ստեղծվում են հատուկ երաժշտական գործիքներ: Օրինակ` կիթառներ:
Հայտնի ձախլիկ քաղաքական գործիչներն և զինվորականներն են Կեսարը, Նապոլեոնը, Ալեքսանդր Մակեդոնացին, Չերչիլը, Բիսմարկը, Ֆիդել Կաստրոն: Ամերիկայի նախագահներից` Ջեռալդ Ֆորդը, Բիլ Կլինտոնը, Ջորջ Բուշը, Բարակ Օբաման: Ձախլիկ են եղել նկարիչներ Լենարդո դա Վինչին, Միկելանջելոն, Օգյուստ Ռոդենը, Պաբլո Պիկասոն, Պիտեր Պաուլ Ռուբենսը, Ալբերտ Դյուրերը: Գրողներից` Հանս Խրիստիան Անդերսենը, Ֆրանց Կաֆկան, Ֆրիդրիխ Շնիցշեն, Լյուիս Կերոլը: Երաժիշտներից` Նիկոլո Պագանինին, Վոլֆգանգ Ամադեուս Մոցարտը, Սերգեյ Ռախմանինովը, դերասան Չառլի Չապլինը, գիտնականներ Ալբերտ Էինշտեյնը, Իսահակ Նյուտոնը և շատ ուրիշները:
Մի քանի փաստ ձախլիլների մասին.
Ձախլիկները ջրի տակ ավելի լավ են տեսնում, քան աջլիկները:
Երկրագնդի վրա ավելի քան 500 միլիոն ձախլիկներ կան:
Տղամարդիկ ավելի հաճախ են ձախլիկ լինում, քան կանայք:
Հետազոտությունները ցույց են տվել, որ ձախլիկները ավելի տաղանդավոր են տարածության մեջ կողմնորոշվելու, մաթեմատիկայի և ճարտարապետության մեջ:
Ձախլիկությունը անցնում է ժառանգաբար:
-Վայ ձախլիկ ես՞՞՞՞:
-Ո՞նց ես բա ձախով գրում:
-Հեչ փորձել ես աջով մի բան գրես: Մի բան գրի էլի:
-Գիտես, որ բոլոր ձախլիկները շատ խելացի են:
-Գիտես, որ հանճարների մեծ մասը ձախլիկ են եղել:
-Ձախ ձեռքդ ինչի՞ ա թանաք:
-Տետրդ թանաքոտվել ա:
-Տառերը ինչի՞ են բա լղոզվել:
-Բա ինչի՞ ծնողներդ ձեռքդ չեն կապել ու սովորացրել աջով գրել
-Մկրատն ու դանակն էլ ես ձախով բռնու՞մ:
-Արի տեղերով փոխվենք էլի, ուղղակի դու ձախլիկ ես, իսկ ես աջլիկ՝ իրար կխանգարենք գրելուց:
-Դու հաստատ նկարիչ ես դառնալու, բոլոր նկարիչները ձախլիկ են: