Идет загрузка...
Сегодня:  Четверг, 28 Марта, 2024 года

Статьи

Գործարկվել է հասարակական տրանսպորտի բարեփոխումների transport.yerevan.am հանրային փոխգործակցության հարթակը

Yerevan info
Автор:
Yerevan info
16:09, Пятница, 11 Августа, 2017 года
Գործարկվել է հասարակական տրանսպորտի բարեփոխումների transport.yerevan.am հանրային փոխգործակցության հարթակը

Երևանի քաղաքապետարանում տեղի ունեցած մամուլի ասուլիսի ժամանակ ներկայացվել է Երևան քաղաքի հասարակական տրանսպորտի բարեփոխումների հանրային փոխգործակցության հարթակը՝ transport.yerevan.am կայքը։
     Բարեփոխումների գործընթացի մասնագիտական աշխատանքային խմբի ղեկավար, Երևանի քաղաքապետի տեղակալ Վահե Նիկոյանը խոսելով բարեփոխումների գործընթացի, հիմնական սկզբունքների և մասնագիտական խմբի աշխատանքի առանձնահատկությունների մասին՝ ընդգծել է գործընթացում հանրության հետ փոխգործակցության անհրաժեշտությունը և այս տեսանկյունից կարևորել հարթակի ստեղծումը:
     «Երևան քաղաքի համար հանրային մեծ նշանակություն ունեցող այս բարեփոխումը երկար սպասված է բնակիչների և բոլորիս կողմից, և ակնհայտ է, որ գործընթացի մասին բոլորս ունենք մեր պատկերացումները։ Շատ կարևոր է լսել բոլորի կարծիքները, սակայն միաժամանակ լինել իրատես՝ հետևելով գործընթացին և հասկանալով, թե ինչ է առաջարկում մեզ միջազգային խորհրդատու կազմակերպությունը, ինչ հնարավորություններ ունենք», - նշել է Վահե Նիկոյանը՝ հավելելով, որ խորհրդատու կազմակերպությունն առաջարկում է ոչ թե վերջնական լուծումներ, այլ՝ բարեփոխումների տարբերակներ։ Քաղաքապետի տեղակալը նաև տեղեկացրել է, որ վերջնական ընտրությունը կատարվելու է աշխատանքային խմբի ներկայացուցիչների և Երևան քաղաքի բնակիչների հետ համատեղ քննարկումների արդյունքում։
     Բարեփոխումների պաշտոնական կայքում առկա է տեղեկատվություն ինչպես WYG միջազգային խորհրդատվական ընկերության և վերջինիս կողմից տրամադրված զեկույցների, այնպես էլ մասնագիտական աշխատանքային խմբի նիստերի և մինչ այժմ քննարկված հարցերի վերաբերյալ։
     «Քաղաքային կայուն զարգացման ներդրումային ծրագրի» ղեկավար Նորա Մարտիրոսյանն իր հերթին նշել է, որ փորձել են հնարավորին ամբողջական տեղեկատվություն ներկայացնել հանրությանը։ Հարթակը հնարավորություն է ընձեռելու նաև գործընթացի հետ կապված տարբեր հարցերի վերաբերյալ քաղաքացիների կարծիքը ստանալ քվեարկությունների միջոցով:
     «Բացի պաշտոնական կայքից, ունենալու ենք նաև սոցիալական ցանցերում ակտիվ էջեր, որոնց միջոցով հանրությունը հնարավորություն կունենա ակտիվորեն ներգրավվելու գործընթացում։ Այսինքն՝ մենք փորձել ենք առաջարկել գործընթացին քաղաքացու մասնակցության հնարավորին մատչելի տարբերակներ» , - նշել է Նորա Մարտիրոսյանը։
     transport.yerevan.am կայքը պատրաստվել է «Երևան քաղաքի կառավարման տեխնոլոգիաների կենտրոն» ՓԲԸ-ի կողմից: Կենտրոնի տնօրեն Սարգիս Մանուկյանի խոսքով փորձել են հանրային այս հարթակը այցելուների համար դարձնել հնարավորին պարզ ու հեշտ կիրառելի։ transport.yerevan.am կարելի է մուտք գործել նաև ինչպես բջջային հեռախոսների, այնպես էլ այլ կրիչների միջոցով: Նաև նշվել է, որ կայքի բովանդակությունը հնարավորին օպերատիվ թարմացվելու է, իսկ աշխատանքային թիմն էլ ապահովելու է կայքի անխափան և անվտանգ աշխատանքը՝ գործընթացի ամբողջ ժամանակահատվածում։
     Ասուլիսի շրջանակում հասարակական տրանսպորտի բարեփոխումների գործընթացի մասնագիտական աշխատանքային խմբի ղեկավար, Երևանի քաղաքապետի տեղակալ Վահե Նիկոյանը պատասխանել է նաև բարեփոխումների վերաբերյալ լրագրողներին հետաքրքրող հարցերին:


    

Երևանի քաղաքապետարանի տեղեկատվության
     և հասարակայնության հետ կապերի վարչություն

Продвижение этого поста
Статья опубликована в проекте Пресс-секретарь.
Зарегистрируйтесь и опубликуйте свои статьи.
Нравится
0
Не нравится
0
3057 | 0 | 0
Facebook