Panorama.am-ի տեղեկացմամբ պետությունից սոցիալական աջակցություն ստացող համայնքների հանրակրթական դպրոցների 4-12-րդ դասարանի աշակերտներն այս տարվանից դասագրքերը կստանան ամբողջովին անվճար:
Այս մասին լրագրողների հետ հանդիպմանը նշել է ՀՀ կրթության և գիտության նախարարության հանրակրթության վարչության պետ Աշոտ Արշակյանը:
«Սահմանամերձ համայնքների կրթության մասով տրվող աջակցությունն այս տարի ավելացել է», -նշել է Ա. Արշակյանը՝ հստակեցնելով, որ խոսքը վերաբերում է այն համայնքներին, որոնք կառավարության որոշման համաձայն պետությունից սոցիալական աջակցություն են ստանում:
Ըստ որում՝ հանրակրթական դպրոցների 1-4-րդ դասարանների աշակերտները գրքերը ստանում են անվճար:
Panorama.am