Статьи

ԱՆԱՀԻՏ ԴԱՆԻԵԼՅԱՆ

Автор:
Armenak Avetisyan

23:10, Воскресенье, 23 Июля, 2017 года

ԼՈՒՅՍԻ ՍԵՐԸ
     Ես հաճախ եմ արթնացել հնչյունի հետ քո երգի,
     Տաղերիդ մեջ մոռացել այրող ցավեր, տրտմություն,
     Աչքերիդ մեջ գուրգուրել աստղաբույլեր երկունքի,
     Ունայնության մեջ գտել Աստվածային օրհնություն:

Հրդեհվում է գիշերը հրացոլքում կայծակի,
     Փլուզվում է անձրևից սիրակորույս լուսնկան,
     Փշրվում է մթության մութ պատկերը երկնքի,
     Ու շրջում է ամենուր մի մոլորված ուրվական:

Ոսկե վարսերը փռած մութ անտառի փեշերին,
     Կարկաչում է առվակը ու թավալվում խոտերին,
     Պաղ լուսնկան ամպերի մուժն անում է ցաքուցիր,
     Մթության մեջ քանդելով գաղտնիքները անտառի:

Առավոտս հայտնվեց քո գրկի մեջ տիրական,
     Ու փոթորկվեց երկինքը, անապատվեց հավատքս,
     Հեկեկում էր լույսի սերը արցունքներով իրական,
     Հին հուշերիս անձավում լուռ փլուզվեց պատրանքս:

Продвижение этого поста

Статья опубликована в проекте Пресс-секретарь.
Зарегистрируйтесь и опубликуйте свои статьи.

Нравится

1

Не нравится

0