ՓԱԿ ՆԱՄԱԿ ՄԻՔԱՅԵԼ ՄԻՆԱՍՅԱՆԻՆ
ՊարոնՄինասյան
Սուրբ Աթոռում Հայաստանի Հանրապետության արտակարգ և լիազոր դեսպան լինելուց բացի, համատեղության կարգով Ձեր նշանակումը Պորտուգալիայի Հանրապետությունում Հայաստանի Հանրապետության արտակարգ և լիազոր դեսպան (նստավայրը` Վատիկան), առավել ինքնավստահ և ակտիվ է դարձրել իրենց Ձեր մտերիմները համարող մի քանի նորելուկների: Նրանք իրենց համարելով այլևս կայացած բիզնեսմեններ, ավելին, իրենց տեսնելով որպես «ազգընտիրներ» , ակտիվորեն օգտագործում են Ձեր անունը, աշխատելով հասարակական կարծիք ստեղծել իրենց շուրջ:
Շրջանառվող հորինվածքներից կամ գուցե իրողություններից մեկն էլ վերաբերում է Գյումրու ներկայիս քաղաքապետ Սամվել Բալասանյանի որդուն` Միսակ Սամվելի Բալասանյանին, ում դեմքով շատ քչերն են ճանաչում, գործունեությամբ` գրեթե ոչ մեկը և ով իբր Ձեր հատուկ ցանկությամբ նախագահական ինքնաթիռով Ձեր աներոջ հետ ժամանել է Վատիկան, ցեղասպանության 100 ամյակի արարողակարգում լինելով հատուկ հրավիրյալների շարքում:
Գյումրիում հոկտոմբերին կայացած ավագանու ընտրություններում ևս ըստ լուրերի Բալասանյանների ընտանիքը վայելեց Ձեր հովանավորությունը: Այժմ էլ խորհրդարանական ընտրություններում Բալասանյան կրտսերը հավակնում է հայտնվել ՀՀԿ ցուցակում, նորից շրջանառելով Ձեր աջակցության վարկածը:
Գյումրիում գիտեն նաև, որ Դուք մայրական կողմից սերում եք շատ պատվարժան Հասրաթյանների տոհմից և չեն կարողանում համատեղել Ձեր և այդ ընտանիքի ընկերության առասպելը:
Հասմիկ Մելքոնյան
Գյումրի