Идет загрузка...
Сегодня:  Пятница, 29 Марта, 2024 года

Статьи

Քեոփսի բուրգի ներսում գաղտնի սենյակներ են գտել

11:18, Вторник, 18 Октября, 2016 года
Քեոփսի բուրգի ներսում գաղտնի սենյակներ են գտել

ScanPyramids միջազգային նախագծին մասնակցող գիտնականները Քեոփսի բուրգի ներսում երկու անոմալիաներ են հայտնաբերել, հայտնում է Discovery News–ը։

Անցած տարի մեկնարկած ScanPyramids նախագծի շրջանակում գիտնականները սկանավորում են հին եգիպտական բուրգերը։ Նրանք մտադիր են ուսումնասիրել դրանց ներքին կառուցվածքը, որպեսզի հասկանան, թե ինչպես են դրանք կառուցվել։

Մեկ տարում հաջողվել է սկանավորել մի քանի բուրգ ՝ այդ թվում Քեոփսինը։ Այդ հին կառույցների հետազոտելու համար գիտնականները գործածում են ինֆրակարմիր տերմոգրաֆիա, մյուոննային ռադիոգրաֆիա ու 3D-ռեկոնստրուկցիայի տեխնոլոգիաներ, պատմում է Փարիզի Ժառանգության նորարարական պահպանման ինստիտուտի հիմնադիր Մեհդի Տայուբին։

Տայուբին նշել է, որ հետազոտությունը երկու անոմալիաներ է հայտնաբերել Քեոփսի բուրգում։ ԳԻտնականները հնարավոր են համարում, որ դրանք գաղտնի սենյակներ են կամ միջանցքներ, որոնց գոյության մասին առայսօր հայտնի չէր։ Դրանցից մեկը գտնվում է բուրգի հյուսիսային մասում, իսկ երկրորդը՝ հյուսիս-արեւելյան մասում։ Այդ խորշերը իրար միացված չեն։ Խորշերից մեկը, գիտնականների խոսքով, ձեւով նման է միջանցքի, որը վեր է բարձրանում։

Հիմա ստացված արդյունքները ուսումնասիրվելու են լաբորատոր պայմաններում։ Կիրառելով մոդելավորում՝ մասնագետները հույս ունեն բացահայտել Քեոփսի բուրգի անոմալիաների գաղտնիքը։

Продвижение этого поста
Статья опубликована в проекте Пресс-секретарь.
Зарегистрируйтесь и опубликуйте свои статьи.
Нравится
0
Не нравится
0
4107 | 0 | 0
Facebook