Статьи

Ժամանակակիցներս լավ գիտենք, որ Նիկոլայ 2-րդն ու ցարական ընտանիքի բոլոր անդամները սովորական մարդիկ են եղել, թեպետ նրանց հպատակների գոնե մի մասը կարծել է, թե նրանք կիսաստվածներ են (մի՛ զարմացեք, չէ՞ որ սովետական մարդկանցից շատերն էլ Ստալինին էին աստվածացրել): Եթե սովորական մարդիկ են, ուրեմն սովորական մարդկանց նման կարող էին երբեմն իրենց թեթևամիտ արարքներ թույլ տալ, այսինքն միմոսություն անել: Զարմանալին ոչ թե դա է, այլ այն, որ անհոգ ժամանցի որոշ ակնթարթներ հավերժացրած լուսանկարները պահպանվել են:

Դա ուրախալի է ու ոգեշնչող՝ այն առումով, որ եթե ամենազոր միապետը կայսրության կործանման ու ընտանյոք հանդերձ գնդակահարվելուն նախորդող տարիներին այսպիսի զվարճալի կեցվածքներ են ընդունել լուսանկարչական խցիկի առաջ, ուրեմն մենք էլ կարող ենք մեր երկրի քաղաքական ու սոցիալտնտեսական ողբալի պայմաններում անգամ ուրախացնող օյինբազություններ անել ու լուսանկարները «Համացանց» գցել: